Salmos 72:16 - Chayahuita (Shahui)

¹⁶ Notohuaroꞌ trico yaꞌhuërëhuaso noꞌpaquë yaꞌhuëꞌin. Motopiroꞌsa huiꞌnimotënquëpita noya noyachin. Nipano motopi tanantërinquë maꞌsha noya noyatërin. Ina pochin trico shaꞌnëhuasoꞌ noyachin. Iminoꞌsaquë pacatoro yaꞌhuërinso pochin. Ninanoroꞌsaquëntaꞌ, notohuaroꞌ piyapi naꞌain.

Salmos 72:16 ပူးပေါင်းရင်းမြစ်များ

Copo naporinso' 5:25

Paꞌpi notohuaroꞌ shiparinpita yaꞌhuëtarinquën. Iminquë pacatoro yaꞌhuërinso pochin naꞌaponaꞌ.

Salmos 104:16

Oꞌnanpachina nararoꞌsantaꞌ, yamoro inquirinso pochin nipi. Nipano motopiquë nonararoꞌsa Siniorori shaꞌninso napopi.

Salmos 72:6

Pasto nipotohuatëra, oꞌnanpachina papotaantarin. Poroncayonta noꞌpaꞌ shipirotërin. Inapochachin copirnonëhuëi nicaton, catahuachin.

Isaías 32:15

Napoaponahuëꞌ, Siniorosoꞌ yaꞌipi nanitapaton, oꞌmantararin catahuainpoaso marëꞌ. Naporoꞌ inotëroquëntaꞌ, noyaroꞌpaquë pochin shaꞌtaponaꞌ. Noyaroꞌparoꞌsantaꞌ, aquëtë huarëꞌ noya noya nicapon.

Isaías 35:2

Nirio yanco huësoatërinso pochin capa cancantomiachin. Yosë nohuanton Nipano tanan pochin nicapon. Carmiro motopi, Saron motopiana, inapita noyaroꞌparoꞌsaquë pochin nani maꞌsha shaꞌpachinaꞌ, noya noyatapon. Inapohuachinaꞌ, Yosë chini chiníquën nanantërinsoꞌ niꞌsapi. Noya noya nininsoꞌ yaꞌnopon huachi.

Hechos 1:15

Ina quëran naꞌa Quisoso imapisopita niyontonpi. Pasa cato shonca piyapiꞌsa pochin yaꞌhuëpi. Pitrori huancánachin huanirahuaton, itërin:

Hechos 2:41

Napotohuachina, naꞌa natëtopi. Naporahuatonaꞌ, iꞌquë aporihuanpi. Naporoꞌ tahuëri cara huaranca pochin piyapiꞌsaꞌ yaꞌconpi. Quisoso imasapi.

Hechos 4:4

Naꞌa piyapiꞌsaso nipirinhuëꞌ nanamën natanahuatonaꞌ, natëpi. Nani aꞌnatërápo huaranca pochin quëmapiꞌsaꞌ Quisoso imasapi.

Apocalipsis 7:14

—Co casoꞌ nitotërahuëꞌ. Quëma nitotëransoꞌ. Shaꞌhuitoco cantaꞌ nitochi, itohuatëra, shaꞌhuitërinco: —Isopitasoꞌ chiníquën parisitaponaraihuëꞌ, co Yosë aꞌpopihuëꞌ. Carniroaꞌhuari huënainën quëran anoyacancantërin niꞌton, huiríchin aꞌmopi.

Apocalipsis 7:9

Ina quëran huaꞌnarëso pochin niantarahuë. Huaꞌhuayatërahuëꞌ piyapiꞌsaꞌ Yosëꞌpaꞌ quënanahuë. Co pichicasohuëꞌ. Nisha nisha piyapiꞌsaꞌ Yosë huaꞌanëntacasoꞌ shiranën notënanquë huaniapi, nisha nisha nananquë nonpisopita. Nisha nisha parti quëran huëcatonaꞌ, Carniroaꞌhua yamotatonaꞌ, notërapi. Inapitasoꞌ huiríchin aꞌmopi. Mërëmë pochin nininsoꞌ sëꞌquërahuatonaꞌ, Yosë chinotapi.