Salmos 72:1 - Chayahuita (Shahui)

¹ Quëmasáchin Yosënquën niꞌton chinotaranquën. Copirnonëhuëi catahuaquëꞌ. Quëma pochin noꞌtëquën yonquiaton, noyasáchin niin.

Salmos 72:1 ပူးပေါင်းရင်းမြစ်များ

2 Samuel 23:3

Israiroꞌsanpoa chinotërëhuasoꞌ, nontërinco. Yápaꞌpoyarinpoaso naporin: ‘Insosona copirno yaꞌconpachin, noyasáchin nicaton camaitapon. Ca tëꞌhuatatonco natëincoso yaꞌhuërin.

1 Reyes 1:39

Coꞌhuara inaquë paꞌshátëraponaraihuëꞌ, Satoco corto huaꞌansoꞌ, Yosë caposonën yaꞌhuërinquë paꞌnin. Ina quëran pomonquë Yosë marëꞌ toma tapapiso masahuaton paꞌnin. Canconpachina, inaquë Saromon opomototahuaton copirno nicacaso marëꞌ acorin. Ina piquëran aꞌnari carniro pomon pihuirin. Naporoꞌ yaꞌipi caꞌtanpisopitari chiníquën nonatonaꞌ: “¡Saromon copirno huaꞌqui tahuëri nanpiton, huaꞌanënchinpoaꞌ!” topi.

1 Reyes 3:9

Ina pochin nacionsoꞌ, co insonta nanitërinhuëꞌ inaora noya huaꞌanëntacasoꞌ. ¡Quëmari anitotohuatan tëhuënchinsoꞌ, noya camaitapon! Napoaton yonquínahuan nicaꞌhuaso marëꞌ catahuaco. Noya nininsoꞌ, co noyahuëꞌ, nininsoꞌ inapita nitochi. Inapita nitotohuato piyanënpita noya huaꞌanëntarahuë,” itërin.

Salmos 127:1

Coꞌsoꞌ Sinioro pëicasoꞌ catahuahuachinpoahuëꞌ, topinan quëran pëinaꞌpiroꞌsa sacatopi. Coꞌsoꞌ Sinioro ninano aꞌpaihuachinhuëꞌ, topinan quëran aꞌpaitoroꞌsa aꞌpaitopi.

Isaías 11:2

Sinioro ispiritonëni yaꞌcoancantomiatapon. Inari yonquínahuan nicacasoꞌ quëtapon. Nitopënëntahuaton, chiníquën nanantapon. Sinioro noya nohuitaton, natëpon.

Juan 3:34

Quisososoꞌ Yosë nanamën chachin nonin. Ispirito Santori noyá yaꞌcoancantërin niꞌton, noꞌtëquënáchin nonin.