Salmos 69:8 - Chayahuita (Shahui)

⁸ Iyahuëpita tëranta nisha pochin niꞌninaco. Mamahuë huaꞌhuinpita niponaraihuëꞌ, inapotërinaco.

Salmos 69:8 ပူးပေါင်းရင်းမြစ်များ

Salmos 89:51

Inapochin inimiconënpita nitárinacoi. ¡Huayonanso shinpitacoi nipiraihuëꞌ, noꞌhuirárinacoi!

Salmos 89:52

¡Ma noyacha Sinioroso niꞌton, yaꞌhuëmiatarin paya! ¡Amen!

Isaías 50:6

Yahuihuihuachinacora, co pinëhuë apirarahuëꞌ. Shinoratënta yahuaꞌtohuachinacora co apirarahuëꞌ. Noꞌhuitonaco ipirayatohuachinacora, co niquë tahuërërahuëꞌ.

Isaías 53:3

Piyapiꞌsari nocanatona aꞌpoaponaꞌ. Co noyahuëꞌ nicatona chiníquën aparisitapi. Aꞌpopi niꞌton, paꞌpi sëtaton parisitapon. Canpoarinta co niꞌchináchinhuëꞌ cancantatëhuaꞌ, nocanëhuaꞌ. Co piꞌpian tëranta noya yonquirapirëhuahuëꞌ.

Isaías 53:4

Napoaponahuëꞌ, canpoa yaꞌhuërënamënpoa ina parisitërin. Canpoa iquitacaso nipirinhuëꞌ, inasá iquin natanin. Canpoarisoꞌ: “Yosëri maꞌsha onpotaton aparisitërin. Anaꞌintaton, atapanin,” tosarëhuaꞌ.

Jeremías 15:15

Ina quëran Yosë nontato itapo: “Sinioro. Quëmasoꞌ yaꞌipi nitotëran. Yonquirahuatonco catahuancoso marëꞌ huëquëꞌ. Aparisitërinacosopita ama tënoroatonhuëꞌ, iꞌhuërëtëquëꞌ. Inapita tënoroápatansoꞌ, tëpaponaco. Quëma natëranquënso marëꞌ naꞌcon noꞌhuirinaco.

Mateo 26:56

Napoaponahuëꞌ, Yosë nohuanton, iporasoꞌ masaramaco. Quiricanën quëran ninorinacoso chachin masaramaco, itërin. Ina quëran yaꞌipi caꞌtanoꞌsanënpitari taꞌananpipi huachi.

Juan 1:11

Noꞌpanënquë chachin oꞌmapirinhuëꞌ, co piyapinënpitari nohuantopihuëꞌ. Nipirinhuëꞌ,

Juan 7:5

Co iinpitari tërantaꞌ natëyátërapihuëꞌ niꞌton, napotopi. Inapita nontaton, itapon:

1 Samuel 17:28

Iriaposo napoaponahuëꞌ, Tapi naporinso natanin. Ina natanaton, iyaꞌhuain chiníquën noꞌhuiton itapon: —¡Co quëmaso isoporinquë huëcamaso nipirinhuëꞌ! Quëmaso ohuicaroꞌsa nicacaso yaꞌhuërin. Inapitaso inotëroquë yaꞌhuërapi. Co aꞌna aꞌpainaꞌpi acoantaton huëshicasohuëꞌ nipirinhuëꞌ. ¡Co natantonquënhuë niꞌton, quira nisaraiso topinan costacaso marëꞌ huëꞌnan! itërin.