Salmos 69:6 - Chayahuita (Shahui)

⁶ Sinioro, quëmasoꞌ yaꞌipi nanitaparan. Ama tëhuërahuëso marëꞌ chinotërinënquënsopita tapainasohuëꞌ. Aꞌnaquën paꞌpi nohuantatonaꞌ, chinotërinën. Ama naporahuëso yonquiatonaꞌ, inapitanta aꞌpochinasohuëꞌ.

Salmos 69:6 ပူးပေါင်းရင်းမြစ်များ

2 Samuel 23:3

Israiroꞌsanpoa chinotërëhuasoꞌ, nontërinco. Yápaꞌpoyarinpoaso naporin: ‘Insosona copirno yaꞌconpachin, noyasáchin nicaton camaitapon. Ca tëꞌhuatatonco natëincoso yaꞌhuërin.

Salmos 72:18

¡Ma noyacha Yosëso paya! Inasoꞌ Sinioro, israiroꞌsanpoa chinotërëhuasoꞌ. Inasáchin nani maꞌsha ninin.

Isaías 49:23

Copirnoroꞌsanta huiꞌninpita pochin nitarinquëmaꞌ. Inahua huiꞌninpita sanapi nipisopitantaꞌ, nocomatënquëma asoꞌsoarinquëmaꞌ. Inapitasoꞌ noya nicatënëmaꞌ, moshaponëmaꞌ. Isonpi quëran noꞌpaquë huarëꞌ monshorahuatonaꞌ, canpitasáchin natëinëmasoꞌ anitotarinënquëmaꞌ. Inapoatonaꞌ: ‘Tëhuënchachin Siniorosoꞌ chini chiníquën nanantërin. Naporahuaton inasáchin ninapisopitasoꞌ, co onporonta taparo nisapihuëꞌ,’ tëcaponaꞌ,” tënin.

Hechos 13:17

Iráca quëran huarëꞌ israiroꞌsanpoaꞌ Yosë chinotërëhuaꞌ. Iráca chachin shimashonënpoapita acorin piyapinënpita nicacaiso marëꞌ. Iquipitoquë yaꞌhuëaponaꞌ, Yosë nohuanton, naꞌapi. Ina quëran Yosëri chachin chiníquën nanantaton, catahuarin inatohua quëran chaꞌëcaiso marëꞌ.

Hechos 13:23

Iráca chachin Yosëri shaꞌhuitërin: “Aꞌna tahuëri Tapi shiin nichaꞌësarinquëmaꞌ,” itërin shimashonëmapita. Iporasoꞌ iyaroꞌsaꞌ, nani Quisoso aꞌpaimarin nichaꞌëinpoaso marëꞌ. Shaꞌhuitërinso chachin aꞌpaimarin.

Hechos 4:7

Pitro, Coansha, inapita maconahuatonaꞌ, ahuancanapipi natanacaiso marëꞌ. —¿Onporahuatomataꞌ chiníquën nanantatomaꞌ, apia anoyatëramaꞌ? ¿Intaꞌ nanan quëtërinquëmaꞌ anoyatacamasoꞌ? itopi.