Salmos 69:33 - Chayahuita (Shahui)

³³ Nosorotopisopitari nontohuachinara, Siniororisoꞌ natanin. Piyapinënpita áquë quëpapirinahuëꞌ, co nocaninhuëꞌ.

Salmos 69:33 ပူးပေါင်းရင်းမြစ်များ

Salmos 107:10

Aꞌnaquëonta co noyahuëꞌ nicatonaꞌ, tashinanquë tëꞌyatopiso pochin chiníquën parisitopi. Inapoatonaꞌ, chiminchináchin nipi. Sinioro camaitërinso co natëtonaraihuëꞌ, napopi. Ina nohuantërinsoꞌ nitotaponaraihuëꞌ nocanpi. Ina marëꞌ catinaquëtopinan parisitopi. Inapoatonaꞌ, paꞌpi sëtopi.

Salmos 22:27

Nisha nisha piyapinquëma nisha nisha nacionquë yaꞌhuëramaꞌ. Yaꞌipi parti yaꞌhuëramasopita huëcapairahuatomaꞌ, ina chinotocoꞌ. ¡Isonahuatoma chinotocoꞌ!

Salmos 34:3

Huëco napopináchin Sinioro chinotahuaꞌ. Chini chiníquën nanantërinso marëꞌ inapotahuaꞌ.

Salmos 34:6

Saꞌahuaya pochin cancantato, chiníquën Sinioro nontërahuë. Inasoꞌ, nani maꞌsha onporahuë quëran nichaꞌërinco.

Isaías 66:2

Ca chachin yaꞌipi maꞌsha ninahuë. ¡Acohuatora, caniaritopi yaꞌhuëcaisoꞌ!” tënin. Ina quëran taantarin: “Napoaporahuëꞌ, caso Sinioroco shaꞌhuitaranquëmaꞌ. Insosona catahuacaꞌhuaso nohuantohuachin, nanamëhuë tëꞌhuataton natëpon. Oshahuaninso marëꞌ co napion cancantapon. Naporahuaton: ‘Caora co nanitërahuë noya nicaꞌhuasoꞌ,’ tëcapon. Naporinsopitaráchin, noya nicato catahuaarahuë,” tënin.

Amós 5:6

Noya nanpirápamasoꞌ nohuantohuatamaꞌ, Sinioro chinotoco catahuainquëmaꞌ. Coꞌsoꞌ ina chinotohuatamahuëꞌ, inimiconëmapita aꞌpatiarinquëmaꞌ. Yaꞌhuëramaso noꞌpaꞌ, ahuiquitapi. Co inso tëranta Pitiriquë yaꞌhuërinsoꞌ, ina pën atácopitarinhuëꞌ.

Lucas 4:18

“Sinioro ispiritonën yaꞌcoancantërinco niꞌton, noya catahuarinco. Naꞌa piyapiꞌsaꞌ co Yosë nohuitatonahuëꞌ, nosorotopi. Napoaton Yosë acorinco noya nanan aꞌchintaꞌhuaso marëꞌ. Sopairi minsëpirinhuëꞌ, ocoiarahuë noya yonquicaiso marëꞌ. Somaraya nininsopita anoyatarahuë. Parisitapisopita nichaꞌësarahuë.

Efesios 3:1

Napoaton isonahuato, canpita marëꞌ Yosë nontarahuë. Nisha piyapiꞌsanquëmaꞌ nipomarahuëꞌ, Quisocristo nanamën aꞌchintëranquëmaꞌ niꞌton, tashinan pëiquë poꞌmorinaco.

Apocalipsis 2:10

Ipora tahuëriꞌsaꞌ naꞌcon parisitapiramahuëꞌ, ama tëꞌhuacosohuëꞌ. Sopai nohuanton, tashinan pëiquë poꞌmoarinënquëmaꞌ. Yosë aꞌpocamaso marëꞌ napotarinënquëmaꞌ. Shonca tahuëri pochin parisitaramaꞌ. Tëpapirinënquëmaontaꞌ, ama aꞌpocosohuëꞌ. Imamiatohuatamaco, inápaquë acanaranquëmaꞌ. Inatohuaꞌ nanpimiataramaꞌ.