Salmos 69:20 - Chayahuita (Shahui)

²⁰ Maꞌsha onpotápatonaco asëtomiatërinaco. Inapoato co huachi chiníquën cancantërahuëꞌ: “Insha tëranta taꞌma nosoroatonco achinicancanaponco,” taꞌto ninápirahuëꞌ. ¡Coꞌchi paya!

Salmos 69:20 ပူးပေါင်းရင်းမြစ်များ

Salmos 42:10

Inimicoroꞌsa noꞌhuirinacosoꞌ yonquiato, co napion cancantërahuëꞌ. Nani tahuëri piyapiꞌsa tëhuarinaco: ‘¿Inso huachi Yosë chinotëransoꞌ?’ itárinaco,” itërahuë.

Salmos 42:6

Ina pochin cancantato Yosë nontërahuë: “Cortaniiꞌ huiꞌnirai parti Irmon motopi yaꞌhuërin. Nisaro motopinta yaꞌhuërin. Ina parti yaꞌhuëato, pënsha yatacopirinso pochin cancantërahuë. Napoaton Sinioro naꞌcon yonquiaranquën.

Isaías 63:5

Niꞌpirahuëꞌ, co insonta catahuaincoso yaꞌhuërinhuëꞌ. Co yaꞌhuërinhuë nicato, paꞌyanahuë. Paꞌyanpirahuëꞌ, caora ahuëtato canatërahuë. Paꞌpi noꞌhuitërahuë niꞌton, napotërahuë.

Mateo 26:56

Napoaponahuëꞌ, Yosë nohuanton, iporasoꞌ masaramaco. Quiricanën quëran ninorinacoso chachin masaramaco, itërin. Ina quëran yaꞌipi caꞌtanoꞌsanënpitari taꞌananpipi huachi.

Marcos 14:37

Ina quëran huënantapirinhuëꞌ, cara chachin huëꞌësápi quënanquintarin. —¿Onpoatoncha iya Simon, huëꞌësaran paya? ¿Co aꞌna ora tërantaꞌ nanitëranhuëꞌ niꞌtamasoꞌ ti?

Marcos 14:50

Ina quëran yaꞌipi caꞌtanoꞌsanënpitari taꞌananpipi.

Juan 12:27

Ina quëran itaantarin: “Iporasoꞌ sëtochinachin cancantërahuë. ¿Maꞌtaꞌ Yosë ichi? tënahuë, yonquiato. Co parisitaꞌhuasoꞌ nohuantopirahuëꞌ, ‘Catahuaco Tata ama parisichisohuëꞌ,’ co itarahuëꞌ. Chiminaꞌhuaso marëꞌ oꞌmarahuë,” itahuaton, Yosë itapon:

Juan 16:32

Ipora tashi chachin yaꞌipinquëmaꞌ taꞌananpiaramaco. Yanquëërahuatomaꞌ, pëinëmaquë paꞌsaramaꞌ. Patopiramacohuëꞌ, co caora yaꞌhuapohuëꞌ. Tatahuë caꞌtanarinco.

Hebreos 11:36

Aꞌnaquëontaꞌ Yosë imapi niꞌton, tëhuapi, huihuipi, catinaquë tonpopi, tashinan pëiquë poꞌmopi, napotopi.