Salmos 69:15 - Chayahuita (Shahui)

¹⁵ Ama chiniiꞌ quëparincoso pochin maꞌsha onpoꞌisohuëꞌ. Panca nihui oꞌhuatërinso pochin inimicoroꞌsa yanitërinaco. Paꞌpoyaco ama canainacosohuëꞌ.

Salmos 69:15 ပူးပေါင်းရင်းမြစ်များ

Génesis 7:18

Pamasoꞌ aquëtë chachin mëntaintararin, nanchaso nipirinhuëꞌ, noya yanponarin.

Salmos 16:10

Quëmasáchin Sinioro natëranquën niꞌton, co nohuantaranhuëꞌ nonëhuë chanatacasoꞌ. Huaꞌyanëhuëntaꞌ, co chimipiroꞌsa yaꞌhuërinquë tëꞌyataranhuëꞌ.

Mateo 12:40

Iráca Conasë marëquë tëꞌyaitohuachinara, panca sami pochin nininsoari miꞌtërin. Cara tahuëri tashirë chachin inaquë yaꞌhuapirinhuëꞌ. Ina quëran Yosë nohuanton, chaꞌërin. Inapochachin cantaꞌ Yosë quëran quëmapico niꞌto, chiminpato, cara tahuëri tashirë chachin acoporoꞌ yaꞌhuaporahuëꞌ, chaꞌësarahuë huachi.

Hechos 2:24

Yosëri ananpitaantarin. Chimirin quëran nichaꞌërin. Co chimirini minsërinhuëꞌ.

Hechos 2:31

Cristo nanpiantacasoꞌ ninorin. ‘Co chimipiroꞌsa yaꞌhuërinquë patarancohuëꞌ. Co nonëhuë chanatarinhuëꞌ,’ tënin iráca ninoton.