Salmos 69:14 - Chayahuita (Shahui)

¹⁴ Yaꞌcorotërahuëso pochin ninahuë quëran, ocoico huachi. Noꞌhuirinacosopita quëran nichaꞌëco. Anpo quëran ocoirëso pochin nitoco.

Salmos 69:14 ပူးပေါင်းရင်းမြစ်များ

Salmos 42:2

Yamoro yatëparincoso pochin cancantato, Yosë naꞌcon naꞌcon nohuantërahuë. Inasoꞌ nanpiárin niꞌton, yachinotërahuë. ¿Onporo huarëcha ina pëinënquë paato, chinotaantarëꞌpoya? tënahuë.

Salmos 42:7

Panca tahuanoꞌsaquë, anoiroꞌsa tënëntërinso natanëꞌ. Anoiꞌ imotërincoso pochin Sinioro quëma nohuanton nanirinso chachin parisitërahuë.

Salmos 69:15

Ama chiniiꞌ quëparincoso pochin maꞌsha onpoꞌisohuëꞌ. Panca nihui oꞌhuatërinso pochin inimicoroꞌsa yanitërinaco. Paꞌpoyaco ama canainacosohuëꞌ.

Jonás 2:8

Aꞌnaquënsoꞌ, mamanshiroꞌsa moshatonaꞌ, aꞌporinën. Caso nipirinhuëꞌ, ‘Yosparinquën Sinioro,’ itatënquën chinotaranquën. Quëma marëꞌ maꞌsha tëparahuato chinotaranquën. Maꞌsona nicacaꞌhuaso shaꞌhuitëranquënsopitantaꞌ, ananiarahuë. Quëmasáchin Sinioro nanitëran nichaꞌëancoisoꞌ,” itërin.

Marcos 15:34

Naporoꞌ Quisoso chiníquën nonin. “Iroi iroi ¿nama sapacatani?” tënin. Inaora nananquë nonaton, naporin. “¿Onpoatontaꞌ Tata patëranco?” tapon naporin.

Lucas 19:14

Piyapinënpitaso nipirinhuëꞌ co nohuantopihuëꞌ. Noꞌhuipi. Napoaton comisionënpita aꞌpapi copirno shaꞌhuitacaiso marëꞌ. ‘Ina quëmapi co nohuantëraihuëꞌ huaꞌanëntiincoisoꞌ. Ama acoquësohuëꞌ,’ itoonpi.

Lucas 19:27

Co nohuantërinacosopitaso nipirinhuëꞌ maconcoꞌ. Isëquë chachin tëpacoꞌ,’ tënin,” itërin Quisosori.