Salmos 69:1 - Chayahuita (Shahui)

^1-2 Quëmaso Yosënëhuënquën. Paꞌitato yachimiitarahuëso pochin nisarahuë. Nosoroatonco nichaꞌëco. Yaꞌcoroquë paꞌmiatarahuëso pochin nisarahuë. Co maquë tëranta nantëhuë chinicaso yaꞌhuërinhuëꞌ. Anpo acopo camarëso pochin nisarahuë. Chiniiꞌ quëpararincoso pochin parisitarahuë.

Salmos 69:1 ပူးပေါင်းရင်းမြစ်များ

Salmos 32:6

Inapotëranco niꞌton, imarinënquënsopita nontaponën. Yacatahuatëranso tahuëriꞌsa nontaponën. Paquiitërinso pochin maꞌsha onpocaso tahuëri nanipon. Napopirinhuëꞌ, imarinënquënsopitaso sano cancantaponaꞌ.

Salmos 42:7

Panca tahuanoꞌsaquë, anoiroꞌsa tënëntërinso natanëꞌ. Anoiꞌ imotërincoso pochin Sinioro quëma nohuanton nanirinso chachin parisitërahuë.

Salmos 80:1

Quëmasoꞌ Sinioro, ohuica huaꞌanën pochin ninan. Israiroꞌsacoisoꞌ, ohuicanënpita pochin ninai. Cosi shinpita noya aꞌpaiquëꞌ. Quiropinoꞌsa anquipisoanaquë quëmasoꞌ yaꞌhuëran. Noya nicaton Iprain, Mincamin, Manasisi, inapita huëntonoꞌsa catahuaquëꞌ. Chiníquën nanantaton nichaꞌëcoi.

Isaías 28:17

Ina pëi nipato, huanirinso ótëinamën pochin noyasáchin nicacaisoꞌ yaꞌhuëapon. Noꞌtëquënáchin nicacaisontaꞌ, tahuaninso tantiatiinan pochin nisarin. Nonpinatoma yachaꞌëramasopitaso nipirinhuëꞌ, panca ihuan paaton pëi atatërinso pochin, paquiiꞌ mëntacontarahuaton quiquitërinso pochin Asiria copirno ataꞌhuantarinquëmaꞌ,” tënin.

Isaías 43:2

Pëntoitamasoꞌ nipachin, carima aꞌpaiaranquëmaꞌ. Pancairoꞌsaquë tëranta pëntoitohuatamaꞌ, co paꞌitaramahuëꞌ. Pën tënëntarintaquëchin pëntonpatamaꞌ co huiquitaramahuëꞌ. Co pën tëranta ahuiquitarinquëmahuëꞌ.

Apocalipsis 17:15

Ina quëran aꞌchintaantarinco. —Panca iroꞌsantaꞌ niꞌnan, ina aipi sanapi huënsërinsoꞌ. Inantaꞌ aꞌchinchinquën nitotëquëꞌ. Inapochachin aꞌna tahuëri nisha nisha piyapiꞌsaꞌ yaꞌhuaponaꞌ, nisha nisha nananquë nonpisopita. Huaꞌhuayatërahuëꞌ yaꞌhuaponaꞌ. Nisha nisha copirnori huaꞌanëntërinsopita.