Salmos 66:4 - Chayahuita (Shahui)

⁴ Yaꞌipi piyapiꞌsa chinotaponën. Quëma cantanën cantatona paꞌyataponën,” itahuaꞌ.

Salmos 66:4 ပူးပေါင်းရင်းမြစ်များ

Salmos 22:27

Nisha nisha piyapinquëma nisha nisha nacionquë yaꞌhuëramaꞌ. Yaꞌipi parti yaꞌhuëramasopita huëcapairahuatomaꞌ, ina chinotocoꞌ. ¡Isonahuatoma chinotocoꞌ!

Salmos 65:5

Quëmaso Yosënëhuëinquën. Nontohuatëinquëran noꞌtëquën aꞌpaniarancoi. Paꞌpi huëhuëpiro nininsopita nicaton aꞌpaniarancoi. Isoroꞌpaꞌ nanirinquë yaꞌhuëpisopita quëma ninaponën. Marë aquëtëran yaꞌhuëpisopita quëran huarëꞌ, ninaponën.

Isaías 11:9

Yaꞌipi huaꞌanëntërinquë noyasáchin nicaponaꞌ. Co insonta aꞌnapita maꞌsha onpotaponhuëꞌ. Marë iꞌshari mëntaitërinso pochachin yaꞌipiroꞌpaquënta Sinioro nohuitapi.

Daniel 7:14

Inapotohuachinara, yaꞌipi noya noya huaꞌanëntacaso marëꞌ Ansianori chini chiníquën nanan quëtërin. Inapotohuachina, yaꞌipi nacionoꞌsaquë yaꞌhuëpisopitari, nisha nisha nananquë nonpisopitari ina chinotapi. Chiníquën nanantërinsoꞌ, co onporonta nishataponhuëꞌ. Huaꞌanëntërinsontaꞌ, co onporo taꞌhuantaponhuëꞌ.

Malaquías 1:11

Yaꞌipi isoroꞌpaquë nisha nisha piyapiroꞌsa yaꞌhuëpisoꞌ, noya nicatonaco natërinaco. Inapotatonaco yonarin pochin nininsoꞌ, chinotiinacoso marëꞌ aꞌpëpi. Naporahuaton noya nininsopita maꞌsha quëshirinaco.

Apocalipsis 15:4

Yaꞌipiya Sinioro tëꞌhuachinënquën. Yaꞌipiya yonquiꞌinënquën. Quëmasáchin nóyanquën. Aꞌna tahuëri noꞌtëquën oshahuanoꞌsaꞌ anaꞌintaran niꞌton, nisha nisha piyapiꞌsaꞌ huëcatonaꞌ, chinotarinënquën,” topi cantatonaꞌ.