Salmos 65:9 - Chayahuita (Shahui)

^9-10 Quëma nohuanton oꞌnani, noꞌpaꞌ ohuërëpisoꞌ acaniororin. Inapotërinquë shaꞌtohuachinara, notohuaroꞌ nitërin huachi. Nishitëmototopisonta catahuaran niꞌton, noyataantarin.

Salmos 65:9 ပူးပေါင်းရင်းမြစ်များ

Génesis 26:12

Ina piꞌiquë Isaco inaquë iminapatërin. Shaꞌtohuachina, Yosëri catahuarin niꞌton, paꞌpi notohuaroꞌ nitërinsoꞌ manin.

Salmos 107:37

Inaquë shaꞌtatonaꞌ, notohuaroꞌ nitërinsonpita mapi. Oparoroꞌsanta yaꞌhuëtopi.

Salmos 46:4

Aꞌna noyápiachin iꞌ nininsoari, Yosë ninanonënquë yaꞌhuëpisopita acapacancanin. Inaquësoꞌ, Yosë chini chiníquën nanantërinsoꞌ chinotopi.

Salmos 63:1

Quëmasáchin Yosënëhuënquën. Paꞌpi yamororëso pochin cancantato, yanohuitëranquën. Inotëroquë noꞌpaꞌ yanirin. Inaquë shaꞌtohuatëra, co noyatërinhuëꞌ. Ina pochin cancantato noyá nohuitaꞌhuanquë huarëꞌ sano cancantarahuë.

Salmos 65:11

Quëma nohuanton nani piꞌiquë cosharo noya noyatërin. Chitoro quëran oꞌnan anotohuachina, nani maꞌsha noya noyatërin.

Isaías 41:5

Marë yonsanoꞌsaquë nacionoꞌsari Siro copirno sontaronënpitarë chachin huëꞌsarinso nicatonaꞌ, paꞌyanaponaꞌ. Isoroꞌpantaꞌ, yaꞌhuërinso nani chachin nacontarin. Nani huëꞌsapi, nani yaꞌcaritëriapi. Nisha nisha parti quëran huëcatona niyontonapi,” tënin.

Jeremías 14:22

Inpioroꞌsasoꞌ, nisha nisha mamanshiroꞌsa moshapi. Co inapita nohuanton oꞌnaninhuëꞌ. ¡Co piꞌiroꞌtë tëranta nohuanton oꞌnaninhuëꞌ! Quëma Sinioro Yosënëhuëinquën niꞌton, oꞌnan aꞌpaimaran. Quëma nohuanton yaꞌipi inapita yaꞌhuërin. Napoaton quëmasáchin ninarainquën, itërahuë.

Daniel 4:2

Yosë chini chiníquën nanantaton napotërincosoꞌ, canpitanta shaꞌhuichinquëmaꞌ. Ina nitotohuatamaꞌ canpitanta catahuaponquëma niꞌton, shaꞌhuitaranquëmaꞌ: ¡Maꞌpitacha inaso ninin paya! Co piyapinpoa nanitaparëhuasohuëꞌ, inaso ninin. Ina huaꞌanëntërinsosoꞌ, yaꞌhuëmiatapon. Onpo shinpoapita huënton yaꞌhuëpirinhuë tërantaꞌ, ina chiníquën nanantërinsosoꞌ, inachachin nisápon.

Malaquías 1:11

Yaꞌipi isoroꞌpaquë nisha nisha piyapiroꞌsa yaꞌhuëpisoꞌ, noya nicatonaco natërinaco. Inapotatonaco yonarin pochin nininsoꞌ, chinotiinacoso marëꞌ aꞌpëpi. Naporahuaton noya nininsopita maꞌsha quëshirinaco.

Hechos 14:17

Nipirinhuëꞌ, nosoroatonpoaꞌ, nani maꞌsha acotërinpoaꞌ ina nohuitacaso marëꞌ. Ina nohuanton, oꞌnanin. Ina nohuanton, maꞌsha papotërin. Ina nohuanton, cosharoꞌ yaꞌhuëtërinpoaꞌ caꞌpatëhuaꞌ noya cancantacaso marëꞌ. Inapoaton, noya yonquirinpoasoꞌ anitotërinpoaꞌ, itopi.

Apocalipsis 22:1

Ina quëran Yosë nohuanton, huaꞌnarëso pochin niantarahuë. Nasha Quirosarin niantahuato, anquëni pancaiꞌ aꞌnotërinco, noyápiachin nininsoꞌ. Inasoꞌ, Nanpirin iiꞌ itopisoꞌ. Yosë huaꞌanëntërin quëran pipirarin. Inaquë Carniroaꞌhuantaꞌ huaꞌanëntarin.

Rota naporinso' 1:6

Aꞌna tahuëri Noimisoꞌ, yacapatërinquë nanan natantërin: “Siniorori israiroꞌsa nosoroantarin. Ina nohuanton cosharo noyataantarin,” topi.