Salmos 65:4 - Chayahuita (Shahui)

⁴ Nohuitaꞌhuainquënso marëꞌ huayonancoi niꞌton, noya cancantërai. Noya cosharo pëinënquë yaꞌhuërin. Ina aꞌcatë pochin nitatoncoi catahuacoi nohuitatëinquën noya noya cancanchii.

Salmos 65:4 ပူးပေါင်းရင်းမြစ်များ

Salmos 15:1

Sinioro quëmasoꞌ noya noyanquën. ¿Onporahuatoita noya nohuitatëinquën quëma huaꞌanëntëranquë nanitërai yaꞌhuëcaꞌhuaisoꞌ?

Salmos 23:6

Noya noyanquën niꞌton, nosoromiatëranco. Chiminaꞌhuaquë huarëꞌ catahuarancoso nisarin. Ina piquërantaꞌ, quëmaroꞌco chachin yaꞌhuëranquë yaꞌhuëmiatarahuë.

Salmos 24:7

Quirosarin ninano yaꞌcoanaroꞌsasoꞌ, iráca quëran huarëꞌ yaꞌhuërin. Noya noya copirno yayaꞌconpachina, yaꞌcoana aꞌpairoꞌsa camaiaponaꞌ: “¡Yaꞌcoanaroꞌsa noyá iꞌsoatocoꞌ! ¡Naporo huarëꞌ noya noya copirno yaꞌconarin!” itapi. “¿Inta isoso noya noya copirno?” topachinantaꞌ: “¡Isoso mini Sinioro! Israiroꞌsanpoa chinotërëhuasoꞌ. Chini chiníquën nanantaton, míso ahuëtërin. Inariáchin yaꞌipi maꞌsha yaꞌhuërinso huaꞌanëntërin,” tosarëhuaꞌ.

Salmos 33:12

Sinioro piyapinënpitasoꞌ capa cancanchinaꞌ. Inari huayoninsopita napoꞌinaꞌ.

Salmos 63:5

Noya ancantato, noya cosharo caꞌnëso pochin chiníquën cancantarahuë. Noya ancantato chinotaranquën.

Salmos 84:4

Pëinënquë chachin aꞌnaquënso yaꞌhuëatonaꞌ, quëma marëꞌ sacatopi. Naporahuatona nani tahuëri chinotërinën. Inapitasoꞌ tëhuënchachin capa cancantopi.

Jeremías 31:25

Tanarëso pochin cancantopisopita aꞌcatë pochin nitarahuë. Yamororëso pochin cancantopisopitantaꞌ, oꞌshitatë pochin nitato achinicancanarahuë,” itërinco.

Miqueas 7:18

Siniorosoꞌ noya niꞌton, ina nontato: “¡Quëmaíchin Yosënquën. Co aꞌna quëma pochin yaꞌhuërinhuëꞌ! Piyapiꞌsa co noyahuëꞌ nipirinahuëꞌ, oshanëna marëꞌ sëtatona nontërinën niꞌton, nichaꞌëran. Caraya israiroꞌsacoi quëparitëraisopita, co natantochináchinhuëꞌ cancantatoi tëhuëtërainquën. Inapopiraihuëꞌ nontërainquën niꞌton, tëhuëtërainquënsoꞌ naniantëran. Noꞌhuípiro nipiraihuëꞌ nosororancoi niꞌton, noꞌhuitëransoꞌ asanoran. Inapoaton catahuantarancoi.

Efesios 1:4

Coꞌhuara isoroꞌpaꞌ yaꞌhuëyátërasohuëꞌ, yonquiatonpoaꞌ, huayoninpoaꞌ nóya cancantacaso marëꞌ. Quisocristo imapatëhuaꞌ, oshanënpoaꞌ inquitatonpoaꞌ, Yosë nóya niꞌninpoaꞌ.

2 Tesalonicenses 2:13

Canpitaso nipirinhuëꞌ iyaroꞌsaꞌ, imaramaꞌ. Sinioro nosororinquëmaꞌ. Iráca quëran huarëꞌ Yosë huayoninquëmaꞌ huëntonënquë yaꞌconacamaso marëꞌ. Noꞌtën nanan natëhuatamaꞌ, Ispirito Santo anoyacancantërinquëmaꞌ Yosë nohuantërinso chachin nicacamaso marëꞌ. Ina yonquiatoi, Yosë nontërai: “Ma noya Sinioro inapitasoꞌ nichaꞌëran niꞌton, ‘Yosparinquën,’ ” itërai, Yosë nontatoi.

Apocalipsis 3:12

Sopai minsëhuatamaꞌ, Yosë yaꞌhuërinquë chachin pantaramaꞌ. Piyon pëiꞌ achinirinso pochin naꞌcon nohuantaranquëmaꞌ. Napoaton yaꞌhuëmiatontaramaꞌ. Co pipiaramahuëꞌ. Yosë co onporontaꞌ aꞌpoarinquëmahuëꞌ. Nininën chachin acotaranquëmaꞌ. Aꞌna tahuëri panca ninanoꞌ yaꞌhuapon. Inápa quëran oꞌmararin. Nasha Quirosarin itopisoꞌ. Ina nininëontaꞌ acotaranquëmaꞌ. Cantaꞌ Quisosoco oꞌmantahuato, nasha nininëhuë acotaranquëmaꞌ. Co onporontaꞌ aꞌpoaranquëmahuëꞌ.