Salmos 63:3 - Chayahuita (Shahui)

³ Co huachi nosorohuatancohuëꞌ, chiminaꞌhuaso noya noya. Noya noyanquën niꞌton, chinotáponquën.

Salmos 63:3 ပူးပေါင်းရင်းမြစ်များ

Salmos 42:2

Yamoro yatëparincoso pochin cancantato, Yosë naꞌcon naꞌcon nohuantërahuë. Inasoꞌ nanpiárin niꞌton, yachinotërahuë. ¿Onporo huarëcha ina pëinënquë paato, chinotaantarëꞌpoya? tënahuë.

Salmos 51:15

Catahuaco Sinioro nichaꞌërancosoꞌ shaꞌhuiꞌi. Noya noyanquën ninansoꞌ yonquiato, cantanën cantai.

Salmos 66:17

Co napion ancantato chiníquën Yosë nontërahuë. Naporahuato cantanën cantarahuë.

Salmos 69:16

Quëmasoꞌ noyanquën Sinioro. Nosoromiatërancoi niꞌton, aꞌpanico. Paꞌpi nosoromiatatonco yonquico huachi.

Salmos 96:6

Yosëso huënaráchin huënaráchin yaꞌnorin. Chini chiníquën nanantërin. Ina chinotacaso pëiquë nani maꞌsha noyápiachin yaꞌhuërin.

Éxodo 33:18

—Quëmasoꞌ, huënaráchin huënaráchin yaꞌnoran. Napoaton co napion yaniꞌnanquën. Niꞌinquën topirahuë, itërin Moisësëri.

Romanos 12:1

Yosë naꞌcon nosororinpoaꞌ niꞌton, yaꞌipi cancanëma quëran, iyaroꞌsaꞌ, ina imacoꞌ. Iráca Yosë chinotohuachinara, maꞌsha tëpapi. Canpitaso nipirinhuëꞌ Yosë marëꞌ nanpitomaꞌ, nohuantërinsoráchin nicoꞌ. Ina yonquiatomaꞌ, nani tahuëri noyasáchin nicoꞌ. Ina Yosë nohuantërin. Inapohuatamaꞌ, Yosë noya chinotaramaꞌ.

Romanos 6:19

Iso pochin aꞌchintaranquëmaꞌ noya noya nitotacamaso marëꞌ. Canpitaora co nitotëramahuëꞌ. Iracasoꞌ yaꞌipi nonëma quëran huarëꞌ oshahuanacasoáchin paꞌyatëramaꞌ. Inapohuatamara, paꞌpi nishinahuënꞌ cancantëramaꞌ. Iporasoꞌ noyasáchin nicoꞌ. Inapohuatamaꞌ, noyápiachin cancantaramaꞌ.

1 Corintios 6:20

Quisocristo chiníquën parisitaton, chiminin nichaꞌëinpoaso marëꞌ. Nichaꞌërinpoaꞌ niꞌton, yaꞌipi nonënpoa quëran huarëꞌ huaꞌanëntinpoasoꞌ yaꞌhuërin. Napoaton noyasáchin nicoꞌ aꞌnapitantaꞌ nicatënënquëmaꞌ Yosë chinochinaꞌ.

Filipenses 1:23

¿Maꞌcha noya noya nicaya? tënahuë yonquiato. Co casoꞌ nitotërahuëꞌ. Aꞌna cancan nohuantërin chiminaꞌhuasoꞌ. Chiminpato, Quisocristoroꞌco yaꞌhuëcontarahuë. Inasoꞌ noya noya.

Hebreos 13:15

Napoaton iporasoꞌ co huachi maꞌsha tëparihuahuëꞌ Yosë chinotacaso marëꞌ. Nani tahuëri ina chinotatëhuaꞌ, “Ma noyanquëncha Tata Yosë quëmaso paya. Quisocristoíchin anoyacancantërincoi niꞌton, ‘Yosparinquën Sinioro,’ itërainquën,” itahuaꞌ.

1 Juan 3:2

Naꞌcon, iyaroꞌsaꞌ, nosororanquëmaꞌ. Iporasoꞌ Yosë huiꞌninpita pochin niꞌninpoaꞌ. Aꞌna tahuëri noya noya acoarinpoaꞌ. Onpopinsona nicarihuaꞌ nimara. Co yaꞌipi nitochatërarëhuahuëꞌ. Nipirinhuëꞌ, Quisocristo oꞌmantahuachin, nirayarihuaꞌ. Ina niꞌpatëhuaꞌ, ina pochachin nicarihuaꞌ.