Salmos 51:4 - Chayahuita (Shahui)

⁴ Noya pënënpirancohuëꞌ, co natëranquënhuëꞌ. Naꞌinpiro nininsoꞌ nicato tëhuëtëranquën. Co natëranquënhuë niꞌquëhuarëꞌ, anaꞌintancoso yaꞌhuërin.

Salmos 51:4 ပူးပေါင်းရင်းမြစ်များ

Génesis 20:6

Napotohuachina, Yosërinta huëꞌënquë chachin aꞌpaniantarin: “Tëhuënchachin co nitotatonhuëꞌ naporan. Napoaton ca nohuanto co ichihuëꞌëranhuëꞌ. Carinquën yaꞌcopiranquën ama oshahuanaton tëhuëtancoso marëhuëꞌ.

Génesis 38:7

Acoantopirinhuëꞌ, Iri co noyahuëꞌ nininsoꞌ co Sinioro costarinhuë niꞌton, ina nohuanton chiminin.

Génesis 39:9

Chini chiníquën nanan quëtërinco iso pëiquë camaitaꞌhuaso marëꞌ. Naporahuaton, huaꞌanëhuë co maꞌsha tëranta apiratërincohuëꞌ. Quëmasáchin tëhuënchinsoꞌ saꞌinquën niꞌton, apiratërinco. Napoaton, co caso piꞌpian tëranta nohuantërahuëꞌ paꞌpi co noyahuëꞌ nininsoꞌ nicacaꞌhuasoꞌ. ¡Naporahuaton quëmarëꞌco ninahuë naporini, co Yosë natëtohuëꞌ, paꞌpi oshahuaintohuëꞌ! itërin.

Génesis 9:6

Insosona piyapi tëpahuachin, aꞌnari iꞌhuërëtarin. Cá pochachin nicamaso marëꞌ acoranquëmaꞌ. Napoaton, co nitëpamaso yaꞌhuërinhuëꞌ.

Isaías 43:25

Inapopiramahuëꞌ, Yosënëmaco niꞌto, paꞌpi co noyahuëꞌ ninamasopita, inquitaranquëmaꞌ. Co yanatëtatomahuëꞌ anoꞌhuitopiramacohuëꞌ, co huachi inapita yonquiarahuëꞌ.

Lucas 15:21

‘Co noyahuëꞌ ninahuë, tata. Nonpintëranquën. Co Yosë natëtohuëꞌ, oshahuanahuë. Co noyahuëꞌ ninahuëso marëꞌ co huachi huiꞌnan pochin cancantancosoꞌ yaꞌhuërinhuëꞌ,’ itërin paꞌpin.

Lucas 7:29

Nani naꞌa piyapiꞌsari Coansha noya natanpi. Copirno marëꞌ coriqui maꞌpatonaꞌpiroꞌsantaꞌ “Yosë noninsoꞌ noꞌtëquën pënëninpoaꞌ,” taꞌtonaꞌ, aporihuanpi.

Hechos 17:31

Aꞌna tahuëri co noyahuëꞌ nipisopita noꞌtëquën anaꞌintarin. Nani Quisoso acorin coisë pochin nicaton, yaꞌipi piyapiꞌsaꞌ noꞌtëquën shaꞌhuitacaso marëꞌ. Inasoꞌ piyapi chachin niꞌton, chiminpirinhuëꞌ, Yosëri ananpitaantarin. Napoaton inasoꞌ, Yosëri acorinsoꞌ, tënëhuaꞌ,” tënin Paono.

Romanos 2:5

Canpitaso nipirinhuëꞌ, co natantochináchinhuëꞌ cancantëramaꞌ. Co oshanëmaꞌ yaaꞌporamahuëꞌ. Napoaton ayaroꞌ tahuëri chini chiníquën anaꞌintarinquëmaꞌ. Naporoꞌ yaꞌipi piyapiꞌsaꞌ noꞌtëquën anaꞌintarin.

Romanos 3:4

Yosërisoꞌ co onporonta nonpintarinhuëꞌ. Yaꞌipi piyapiꞌsaꞌ nonpinpirinahuëꞌ, Yosësoꞌ noꞌtëquënáchin nonin. Quiricanën quëran naporin: “Noꞌtëquënáchin nontërancoi niꞌton, aꞌnaquën nonpinapipirinënquënhuëꞌ, co onporontaꞌ minsëarinënquënhuëꞌ,” tënin.

Santiago 2:11

“Saꞌahuanpatamaꞌ, ama aꞌna sanapi monshitocosohuëꞌ,” tënin Yosë. Naporahuaton, “Ama piyapi tëpacosohuëꞌ,” tënin antaꞌ. Co monshihuanaponahuëꞌ, piyapi tëpahuatan, oshahuanaran. Co Yosë natëaranhuëꞌ.

Santiago 2:9

Nipirinhuëꞌ, aꞌnasoꞌ nocanpatamaꞌ, co noyahuëꞌ nisaramaꞌ. Co Yosë natëramahuëꞌ niꞌton, oshahuanaramaꞌ.

Apocalipsis 16:5

Napohuachina, anquëni iiꞌ aꞌpairinsoari Yosë nontaton tapon: “Noꞌtëquën Sinioro anaꞌintaran. Iráca quëra huarëꞌ yaꞌhuaton, ipora huantaꞌ nanpiaran. Noyasáchin ninan.

Apocalipsis 19:11

Ina quëran Yosë nohuanton, huaꞌnarëso pochin niantarahuë. Piꞌiroꞌtëꞌ niꞌsoatohuachina, huiri cahuario quënantarahuë. Ina aipi quëmapi huënsëarin. Noꞌtëquën nonaꞌpi itërëhuasoꞌ. Maꞌsona tërantaꞌ shaꞌhuitohuachinpoaꞌ, co onporontaꞌ nonpintarinpoahuëꞌ. Noꞌtëquën huaꞌanëntarin. Quira nicaton, inimicoroꞌsaꞌ minsëarin.