Salmos 51:3 - Chayahuita (Shahui)

³ Iꞌhua tëhuënchachin co noyahuëꞌ ninahuë. Oshahuanahuësoꞌ yonquiato, co napion cancantërahuë.

Salmos 51:3 ပူးပေါင်းရင်းမြစ်များ

Nehemías 9:2

Nisharoꞌsarë niyaꞌtontopirinahuëꞌ, inapita aꞌporahuatonaꞌ, Sinioro marëꞌ huanipi. Shimashonënapitarë chachin co noyahuëꞌ nicatona oshahuanpisoꞌ, yonquipi.

Salmos 32:5

Naporoꞌ oshanëhuë shaꞌhuitëranquën. Co noyahuëꞌ ninahuësopita noꞌtëquën shaꞌhuitëranquën. Inapohuatora, yaꞌipi oshanëhuë Sinioro inquitëranco huachi.

Salmos 40:12

Naꞌcon maꞌsha onporahuë. Co tiquinahuanhuë niꞌton, co shaꞌhuichináchinhuëꞌ. Co noyahuëꞌ ninahuëso marëꞌ parisitárahuë. Yaꞌpirahuë quëraontaꞌ, co huachi noya quënantërahuëꞌ. Motohuëquë naꞌcon ain yaꞌhuërin. Ina quëran naꞌcon naꞌcon maꞌsha onporahuë. Naporahuaton co huachi chiníquën cancantërahuëꞌ.

Isaías 43:25

Inapopiramahuëꞌ, Yosënëmaco niꞌto, paꞌpi co noyahuëꞌ ninamasopita, inquitaranquëmaꞌ. Co yanatëtatomahuëꞌ anoꞌhuitopiramacohuëꞌ, co huachi inapita yonquiarahuëꞌ.