Salmos 51:19 - Chayahuita (Shahui)

¹⁹ Naporoꞌ tëhuënchinsoꞌ, quëma marëꞌ maꞌsha nininsoꞌ tëpaarai. Aꞌnaquën yaꞌipi ahuiquitarai. Aꞌnaquëontaꞌ, piꞌpian ahuiquitarai. Naporoꞌ, artaronënquë toroaꞌhuaroꞌsa ahuiquitatoi chinotarainquën.

Salmos 51:19 ပူးပေါင်းရင်းမြစ်များ

Salmos 118:27

Siniorosoꞌ Yosë niꞌton, aꞌpintatë pochin nitarinpoaꞌ. Artaro pomonënpitaquë ina marëꞌ tëpacaiso maꞌsharoꞌsa aꞌsoncoꞌ.

Salmos 34:19

Noyasáchin nipisopitantaꞌ, nisha nisha maꞌsha onpopi. Napopirinahuëꞌ, nani maꞌsha onpopi quëran Siniorori nichaꞌësarin.

Isaías 66:2

Ca chachin yaꞌipi maꞌsha ninahuë. ¡Acohuatora, caniaritopi yaꞌhuëcaisoꞌ!” tënin. Ina quëran taantarin: “Napoaporahuëꞌ, caso Sinioroco shaꞌhuitaranquëmaꞌ. Insosona catahuacaꞌhuaso nohuantohuachin, nanamëhuë tëꞌhuataton natëpon. Oshahuaninso marëꞌ co napion cancantapon. Naporahuaton: ‘Caora co nanitërahuë noya nicaꞌhuasoꞌ,’ tëcapon. Naporinsopitaráchin, noya nicato catahuaarahuë,” tënin.

Malaquías 3:3

Huënsëaton corto huaꞌanoꞌsa tapararin. Oro, prata, inapita pënquë asoquipiso pochin co noyahuëꞌ nipisopita inquitarin. Naporo huarëꞌ Nihui quëran pipipisopitasoꞌ, noꞌtën chachin ca marëꞌ maꞌsha quëpisoꞌ, aꞌnotaponaco.

Romanos 12:1

Yosë naꞌcon nosororinpoaꞌ niꞌton, yaꞌipi cancanëma quëran, iyaroꞌsaꞌ, ina imacoꞌ. Iráca Yosë chinotohuachinara, maꞌsha tëpapi. Canpitaso nipirinhuëꞌ Yosë marëꞌ nanpitomaꞌ, nohuantërinsoráchin nicoꞌ. Ina yonquiatomaꞌ, nani tahuëri noyasáchin nicoꞌ. Ina Yosë nohuantërin. Inapohuatamaꞌ, Yosë noya chinotaramaꞌ.

Efesios 5:2

Quisocristo nosoroatonpoaꞌ, canpoa marëꞌ chiminin. Oshanënpoa marëꞌ chiminpachina, Yosëri noya niꞌnin. Napoaton canpoantaꞌ nani tahuëriya inapochachin ninosoroaꞌahuaꞌ Yosë noya niꞌinpoaꞌ.