Salmos 51:11 - Chayahuita (Shahui)

¹¹ Ama aꞌpomiatocosohuëꞌ. Noya nicaꞌhuaso catahuarincoso ispirito, ama cancanëhuë quëran ocoiquësohuëꞌ.

Salmos 51:11 ပူးပေါင်းရင်းမြစ်များ

Génesis 4:14

Ipora tahuëri iso roꞌtë quëran ocoiaranco. Co huachi yaꞌhuëmia yaꞌhuapohuëꞌ, patë patë́rantaꞌhuaso yaꞌhuërin. Co huachi sano cancantaꞌhuaso yaꞌhuaponhuëꞌ. Co chinotaꞌhuanquënso tëranta nanitapohuëꞌ. Napoaton inso tëranta quënanpachinco, tëpaponco tënahuë, itërin Cainori.

Génesis 6:3

Napoaponahuëꞌ, Siniorori co costatonhuëꞌ tapon: “Co piyapiꞌsa yaꞌhuëmiatápaiso yaꞌhuërinhuëꞌ. Piyapi niꞌton, chiminacaiso yaꞌhuërin. Napoaton pasa cato shonca piꞌipiraꞌ, nanpiponaꞌ,” tënin.

2 Samuel 7:15

Napotaporahuëꞌ, inapitaso co aꞌpomiatarahuëꞌ. Saonosoꞌ tëhuërinso marëꞌ aꞌpomiatërahuë. Aꞌpomiatato, ina yaꞌhuërënamën quëma acoranquën. Inapitasoꞌ, co ina pochin nitarahuëꞌ.

2 Reyes 23:27

Napoaton Sinioro tapon: “Pëtëtë yaꞌhuëpiso israiroꞌsa aꞌpoato, aꞌparahuë paꞌpi. Inapochachin Cota huënton israiroꞌsantaꞌ, nitarahuë. Quirosarin ninanonta huayonato, inaquë chinotiinacoso marëꞌ pëi acorahuë. Inapopirahuë co huachi nohuantarahuëꞌ,” tënin.

2 Reyes 24:20

Napoaton Siniorori Quirosarinquë yaꞌhuëpisopita noꞌhuiton, co huachi ahuantërinhuëꞌ. Yaꞌipi Cota huëntonquë yaꞌhuëpisopitanta napotërin. Inapotahuaton noꞌpaꞌ quëtërin quëran aꞌparin. Coꞌhuara inapochátërasohuë Sitiquiasësoꞌ, co huachi Napocotono copirno yanatërinhuëꞌ.

Salmos 43:2

Quëmasáchin Yosënëhuënquën niꞌton, yápaꞌpoyapirancohuëꞌ. ¿Onpoatonta co huachi tahuërëtërancohuëꞌ? Inimiconëhuëpita aparisitërinaco niꞌton, sëtárahuë. ‘¡Co inapochin sëtápaꞌhuaso yaꞌhuërinhuëꞌ!’ tënahuë yonquiato.

Jeremías 7:15

Iprain huënton israiroꞌsasoꞌ, canpita quëmopinëmaꞌ. Napopirinahuëꞌ, noꞌpanëhuë quëran ocoirahuë. Inapochachin canpitanta ocoiaranquëmaꞌ, tënin Sinioro,’ itëquëꞌ,” itërinco.

Lucas 11:13

Canpitasoꞌ co noyahuëꞌ yonquiapomarahuëꞌ, huiꞌnamaꞌ nosororamaꞌ. Noya maꞌsha quëtëramaꞌ. Yosësoꞌ noya noya niꞌton, naꞌcon naꞌcon nosororinquëmaꞌ. Inápaquë yaꞌhuaponahuëꞌ, huiꞌninpita pochin niꞌninquëmaꞌ. Nontohuatamaꞌ, ‘Ispirito Santo ayaꞌcoancantoco,’ itohuatamaꞌ, ayaꞌcoancantarinquëmaꞌ,” itërin.

Juan 14:26

Inápaquë pantahuato, tatahuë nontarahuë, Ispirito Santo aꞌpatimarinquëmaꞌ. Ca yaꞌhuërënamëhuë oꞌmararin. Inasoꞌ achinicancanarinquëmaꞌ. Yaꞌipi Yosë nanamën aꞌchintarinquëmaꞌ. Catahuaarinquëmaꞌ aꞌchintëranquëmasoꞌ ama naniantacamaso marëhuëꞌ. Catahuahuachinquëmaꞌ, nóya yonquiantaramaꞌ.

Romanos 1:4

Yosë pochachin niꞌton, noyasáchin ninin. Chiminpirinhuëꞌ, Yosëri ananpitaantarin. “Inasoꞌ tëhuënchachin Yosë huiꞌnin. Chini chiníquën nanantarin,” tënëhuaꞌ. Ananpitaantarin niꞌton, nitotërëhuaꞌ. Quisocristo chachin huaꞌanëntërinpoaꞌ niꞌton, “Sinioro” itërëhuaꞌ.

Romanos 8:9

Canpitaso nipirinhuëꞌ co noyahuëꞌ yonquiramasopita naniantëramaꞌ. Ispirito Santo yaꞌcoancantohuachinquëmaꞌ, ina nohuantërinsoꞌ nisaramaꞌ. Co Ispirito Santo yaꞌcoancantohuachinquëmahuëꞌ, co tëhuënchachin Quisocristo imaramahuëꞌ.

Efesios 4:30

Co noyahuëꞌ nipatamaꞌ, Ispirito Santo sëtarin. Quisocristo imapatamara, sichoquë marca acotërëso pochin Ispirito Santo ayaꞌcoancantërinquëmaꞌ. Ayaroꞌ tahuëriquë huarëꞌ aꞌpaiarinquëmaꞌ. Naporoꞌ noyá nichaꞌësarinquëmaꞌ. Napoaton ama Ispirito Santo asëtocosohuëꞌ.

2 Tesalonicenses 1:9

Noꞌtëquën anaꞌintaton, parisitopiquë aꞌpararin. Aquë aꞌpahuachin, chiníquën parisitomiatapi, co chaꞌësapihuëꞌ. Inatohuaꞌ paatonaꞌ, co onporontaꞌ Quisocristo nohuitapihuëꞌ. Inasoꞌ chini chiníquën nanantaton, noyasáchin niponahuëꞌ, inapitasoꞌ co onporontaꞌ nirayarapihuëꞌ.

Jueces 13:25

Sansonsoꞌ Tano huënton israiroꞌsa yaꞌhuëpiquë yaꞌhuërin. Sora quëran, Istaoro ninanoꞌpaꞌ ira paꞌninsoꞌ huáncana yaꞌhuërin. Aꞌna tahuëri inaquë niꞌsoꞌ, Sinioro ispiritonëni yaꞌcoancantërin. Yaꞌcoancantaton chini chiníquën nicacaso catahuararin.

Jueces 15:14

Nii itopiquë canconpachinara huiristinoꞌsasoꞌ, capa cancantatona noncarorëꞌnachin nacapitapi. Capa cancantapirinahuëꞌ, Sinioro ispiritonëni Sanson yaꞌcoancantërin. Naporoꞌ tanpaquën, imirin, inapita tonpopisoꞌ oshitërin. Rino piꞌshi pënquë aꞌpërëso pochin nitaton oshitërin.

Jueces 16:20

Nani yaꞌihuachina ochinaantarin: —¡Pashi tëquë Sanson! ¡Huiristinoꞌsa ahuëarinquën! itërin. Inaso napoaponahuëꞌ, capayatahuaton tapon: “Iꞌhua pochin naquëranchin chaꞌëantarahuë,” tënin. Napopirinhuëꞌ, Siniorori tananpitërinso co nitotërinhuëꞌ.

1 Samuel 10:10

Ina quëran Saono piyapinënë chachin Quipiaquë canconpi. Canconpachinara, aꞌna huëntonaca pënëntonaꞌpiroꞌsari nacapirin. Yosë yonquirinso shaꞌhuirëꞌnachin, huëꞌsapi nacapirin. Naporoꞌ Yosë ispiritonëni noyá yaꞌcoancantërin. Napoaton Saononta inapita pochachin Yosë yonquirinsoꞌ shaꞌhuirarin.

1 Samuel 16:14

Naporo tahuëriꞌsa Sinioro ispiritonënsoꞌ, Saono quëran pipirin. Ina pipihuachina Yosë nohuanton sopairi yaꞌcoancantërin. Inari yaꞌcoancantohuachina, ahuaꞌyantaton aparisitárin.