Salmos 47:8 - Chayahuita (Shahui)

⁸ Yosësoꞌ, yaꞌipi nacionoꞌsa copirnonën nicacaso marëꞌ yaꞌconin. Noya noya huaꞌanëntacaso shiranënquë huënsëárin.

Salmos 47:8 ပူးပေါင်းရင်းမြစ်များ

Salmos 110:6

Nacionoꞌsa ayontonahuaton coisë pochin nisarin. Notohuaroꞌ piyapiꞌsa tiquiarin. Itohua itohua inimicoroꞌsa paꞌpamotoraꞌpiapon.

Salmos 89:14

Quëmasoꞌ noya coisë pochin niꞌton, noꞌtëquënáchin yonquiran. Napopináchin piyapiꞌsa nicaton, maꞌsona onpotacasoꞌ noꞌtëquën shaꞌhuiran. Nosorotëransoꞌ, co nisha nisha cancantëransohuëꞌ, ina pochin ninansoꞌ co aꞌporinquënhuëꞌ.

Salmos 93:1

¡Sinioro huaꞌanëntarin huachi! Noya noya aꞌmorëso pochin yaꞌnorin. Chini chiníquën nanantaton camaitarin. Yaꞌipiroꞌpaꞌ nóya acorin niꞌton, co piꞌpian tëranta nacontarinhuëꞌ.

Salmos 96:10

Nisha nisha nacionoꞌsaquë yaꞌhuëpisopitantaꞌ: “Sinioro huaꞌanëntërinpoa huachi. Isoroꞌpaꞌ noya acorin niꞌton, co huachi nacontarinhuëꞌ. Nisha nisha piyapinpoa nipirëhuahuëꞌ, napopináchin nicatonpoaꞌ huaꞌanëntarinpoaꞌ,” tocoꞌ.

Malaquías 1:14

Aꞌnaquëma pëꞌtahua huëntonëma quëran noya nininsoꞌ, huayonahuatomaꞌ: ‘Iso pëꞌtahua Sinioro marëꞌ acoarahuë,’ tënamaꞌ. Napoapomarahuëꞌ, naponin nininso quëshitomaco, ca marëꞌ tëparamaꞌ. Ina pochin nonpintësoꞌ, paꞌpi co noyahuëꞌ nicato ama huachi noya yaꞌhuëcaso marëhuëꞌ, shaꞌhuitarahuë. Yaꞌipi copirnoroꞌsa quëran, caso chini chiníquën nanantërahuë. Yaꞌipi isoroꞌpaquë nisha nisha piyapiꞌsa yaꞌhuërinsoꞌ, tëꞌhuatatonaco natërinaco. Caso Sinioroco yaꞌipi nanitapato, ina pochin shaꞌhuitaranquëmaꞌ,” itërin.

Hebreos 4:16

“Tëhuënchachin nosoroatonpoaꞌ, catahuarinpoaꞌ,” taꞌtëhuaꞌ, apira apira Yosë nontahuaꞌ. Nontohuatëhuaꞌ, oshanënpoaꞌ inquitarinpoaꞌ. Maꞌsha onpohuatëhuaꞌ, ina nontohuatëhuaꞌ, inaora nohuanton, catahuarinpoaꞌ noya ahuantacaso marëꞌ.

Apocalipsis 19:6

Ina quëran huaꞌhuayátërahuë piyapiꞌsaꞌ nonsapisoꞌ natanahuë. Panca soꞌpora pochin tënëëntarin. Chiníquën huira ahuëtërinso pochin natanahuë. “Ma noyacha Tata Yosëso paya. Chini chiníquën nanantaton, yaꞌipiya huaꞌanëntarin.

Apocalipsis 20:11

Ina quëran panca huaꞌanëntacasoꞌ shira quënanahuë, huiríchin nininsoꞌ. Inaquë Yosë huënsëaton, piyapiꞌsaꞌ anaꞌintarin. Chini chiníquën nanantarin niꞌton, isoroꞌpaꞌ, piꞌiroꞌtëꞌ, inapita taꞌhuantopi. Capa nisarin.