Salmos 47:1 - Chayahuita (Shahui)

¹ Nisha nisha piyapinquëma yaꞌhuëramasoꞌ, Sinioro yonquiatoma pinca pinca tocoꞌ. Ina paꞌyatatomaꞌ, “yai, yai,” charácoꞌ.

Salmos 47:1 ပူးပေါင်းရင်းမြစ်များ

2 Samuel 6:15

Sinioro caposonën quëpapisopita caꞌtanpisopitasoꞌ, capa cancantatonaꞌ: “Yai, yai,” charapi. Tapinta napórarin. Aꞌnaquëontaꞌ, tronpitaroꞌsa pihuiraapi.

Salmos 42:1

Yo taꞌahuachina, yamoroton iꞌsha naꞌcon naꞌcon nayarin. Inapochachin cantaꞌ, Yosë naꞌcon naꞌcon nohuantërahuë.

Salmos 46:1

Yosë paꞌpoyatonpoa achinirinpoaꞌ. Nani maꞌsha onporëhuaquë catahuarinpoaꞌ.

Salmos 47:5

Siniorosoꞌ Yosë. Huaꞌanëntacaso shiranënquë huënsëcaso marëꞌ nani nanpërin. Naporo chachin capa cancantatëhuaꞌ, noncarorëhuaꞌ. Corto huaꞌanoꞌsantaꞌ, tronpitaroꞌsa pihuirantapi.

Isaías 55:12

Canpitaso quëparinëma quëran, noya cancantatoma huënantaramaꞌ. Yaꞌhuëramaso noꞌpaquë chachin sano cancan quëran huënantaramaꞌ. Motopiroꞌsaꞌ, motopiaꞌhuaroꞌsaꞌ, inapitanta piyapi pochin capa cancantatona cantaponaꞌ. Yaꞌipi nararoꞌsanta piyapi pochin pincaroponaꞌ.

Jeremías 31:7

Naquëranchin Sinioro taantarin: “Yaꞌipi israiroꞌsanquëmaꞌ, capa cancantatoma cantacoꞌ. Canpitaso aꞌnapita nacionoꞌsa quëran chini chiníquën nanantaramaꞌ. Napoatomaꞌ: ‘¡Ma noyacha quëmasoꞌ piyapinënpitacoi nichaꞌërancoi paya! Carayacoi quëparitëraisopita napotërancoi,’ tëcatoma chinotaramaco,” tënin.

Zacarías 9:9

Sinioro chachin naporin: “Sion motopiaꞌhuaquë yaꞌhuëramasopita, capa cancantomiatocoꞌ. Quirosarinquë yaꞌhuëramasopitantaꞌ, capa cancantatoma cantacoꞌ. Niꞌcoꞌ. Copirnonëma huëꞌsarin. Inaso noyasáchin ninin. Yaꞌipi inimicoroꞌsa minsërin. Ina niponahuëꞌ, topinan piyapi pochin mora huiꞌnapishinquë yaꞌmitëahuaton, huëꞌsarin.

1 Samuel 10:24

Naporoꞌ Samoirori yaꞌipi israiroꞌsa itapon: —¡Yaꞌipima niꞌcoꞌ! ¡Iso mini Siniorori copirnonëma marëꞌ huayonin! ¡Co aꞌna Israiro quëmapi tëranta ina pochin huanirinhuëꞌ! itërin. —¡Ma inacha inaso paya! ¡Huaꞌqui tahuëri camaiinpoaꞌ! topi aꞌnapita israiroꞌsantaꞌ.