Salmos 43:3 - Chayahuita (Shahui)

³ Quëmasoꞌ Sinioro noꞌtëquënáchin aꞌchinan. Aꞌchinan quëran aꞌpintoco iranën noꞌtëquën paꞌchi. Yaꞌhuëranquë chachin pacaꞌhuasoꞌ, aꞌnochinco.

Salmos 43:3 ပူးပေါင်းရင်းမြစ်များ

2 Samuel 15:20

Quëmasoꞌ, co huaꞌqui yacapayátërarancoihuëꞌ. Naporahuaton co ca tëranta nitochatërarahuëꞌ insëquësona pacaꞌhuaisoꞌ. Napoaton co nanitërahuëꞌ quëpaꞌhuanquënsoꞌ. Paquë paantaton quëmopiparinpita Quirosarinquë quëpanantaquëꞌ. Sinioro caꞌtanatënquën catahuainquën. Ama nanianchinquësohuëꞌ tënahuë, itërin.

2 Samuel 15:25

Nani yaꞌipi paꞌpachinara, Copirnori Satoco itapon: —Yosë caposonën ninanoquë quëpaantaquëꞌ. Sinioro nosoroatonco catahuahuachincosoꞌ, huënantahuato niantapo. Acorëhuaquë chachin niantapo.

Salmos 119:105

Tashi noya pacacaso marëꞌ nanparin aꞌpininquë noya paꞌnëꞌ. Inapochachin quëma nanamënsoꞌ, noꞌtëquën yonquicaꞌhuaso anitotërinco.

Salmos 2:6

“Quirosarin ninanosoꞌ, cari huayonahuë. Inaquë huaꞌanëntacaso marëꞌ ¡nani copirno acorahuë!” itërin.

Salmos 40:11

Quëmanta Sinioro nosoroatonco catahuaco. Noꞌtëquën nontërancoso chachin nosoroco.

Salmos 42:4

Ina yonquihuatora, paꞌpi sëtërahuë. Iráca naꞌa niyontonahuatoi, Yosë chinotërai. Pëinënquë yapaꞌpatoira, cari piyapiꞌsa quëparahuë. Capa cancantatoi nonca nonca tërarai. “Yosparinquën Sinioro,” tëcatoi, panca pita ninai. Iporaso napoaponahuëꞌ, parisitárahuë.

Salmos 46:4

Aꞌna noyápiachin iꞌ nininsoari, Yosë ninanonënquë yaꞌhuëpisopita acapacancanin. Inaquësoꞌ, Yosë chini chiníquën nanantërinsoꞌ chinotopi.

Salmos 84:1

Sinioro quëmasoꞌ yaꞌipi nanitaparan. ¡Ma noyápiachincha quëma pëinënso paya!

Miqueas 7:20

Shimashonëhuëpita Apraan, Cacopo, inapita shaꞌhuitëran: ‘Shiparimapita nosoromiatato, co aꞌpoarahuëꞌ,’ itëran iráca. ¡Napotëranso chachin nicaton, nosorocoi!” itërahuë.

Juan 1:17

Iráca Yosë nohuanton, Moisësë pënëntërin nani maꞌsha natëcasoꞌ. Pënëntopirinhuëꞌ, co yaꞌipiya anitotërinpoahuëꞌ. Quisocristoso nipirinhuëꞌ nosororinpoaꞌ. Noꞌtëquën nonaton, yaꞌipi nanamën anitotërinpoaꞌ.

Juan 1:4

Inariáchin yaꞌipiya ananpirin. Piyapinpoantaꞌ aꞌpintatë pochin aꞌchintërinpoaꞌ ina nohuitatëhuaꞌ nanpimiatacaso marëꞌ.