Salmos 43:1 - Chayahuita (Shahui)

¹ Ina quëran Yosë nontaantarahuë: “Co caso manta onpopirahuëꞌ, aparisitárinaco. Inpioroꞌsa niponaraihuëꞌ napotarinaco. Co noyahuëꞌ cancantatonaꞌ, nonpinapirinaco. Inapotopirinacohuëꞌ, ¡inapita quëran nichaꞌëco!

Salmos 43:1 ပူးပေါင်းရင်းမြစ်များ

2 Samuel 15:31

Aꞌnari Tapi shaꞌhuitërin: “Aitohuironta Apësaron catahuarin,” itërin. Ina natanaton, inaso Sinioro nontërin: “Aitohuirori maꞌsona nicacasoꞌ, Apësaron ayonquiarin. Ayonquihuachin, quëma nohuanton ama natëinsohuëꞌ,” itërin.

2 Samuel 16:20

Ina quëran Apësaroni Aitohuiro natanin: ¿Maꞌta iporasoꞌ niahua huachi? itërin. Napotohuachina, inariso pënënin: —Insoari tëranta copirno saꞌinpita tëcarihuachina: “Copirno yaꞌhuërëtërin huachi,” tënëhuaꞌ. Napoaton tata cosonanënpita inapotëraꞌpiaquëꞌ. Inapitasoꞌ pëi aꞌpaicaiso marëꞌ patërin. Inapohuatan yaꞌipi israiroꞌsaꞌ: “Inaporin niꞌton, iporasoꞌ paꞌpini, tëhuënchachin co huachi quëꞌyaponhuëꞌ,” tosapi. Napoatona quëmasáchin cancantaponën huachi, itërin.

2 Samuel 18:8

Yaꞌipi ina tanan nani chachin niahuëpi. Napoaponahuëꞌ, co Tapi sontaronënpitariáchin ina nápo tiquirinhuëꞌ. Tanani naꞌcon naꞌcon napotërinsoꞌ.

1 Corintios 4:4

Noya mini natërahuë, topirahuëꞌ, co casoꞌ Yosë pochin nitotërahuëꞌ. “Noyaco,” tënahuëso marëꞌ co Yosë noya niꞌsarincohuëꞌ. Inaíchin yaꞌipi nitotaton, noꞌtëquën shaꞌhuitarinpoaꞌ.

1 Pedro 2:23

Inimiconënpitari pinopachinara, co yaiꞌhuërëtërinhuëꞌ. Aparisitopirinahuëꞌ, co noꞌhuirinhuëꞌ. “Aꞌna tahuëri Yosëri noꞌtëquën anaꞌintarin,” taꞌton, Yosëíchin natërin.

1 Samuel 24:15

Napoaton Sinioro chachin noꞌtëquën shaꞌhuichinpoꞌ, inquënposona tëhuërësoꞌ. Inari chachin naporahuësoꞌ noꞌtëquën tantiainco. Inapotatonco quëmá quëran paꞌpoyainco, itërin.