Salmos 42:8 - Chayahuita (Shahui)

⁸ Napoaporahuëꞌ, tahuëri nanihuachin nosoroaranco. Tashinta nipirinhuëꞌ, yonquiatënquën cantarápo. Quëmasáchin ananpiranco niꞌton, nontáponquën:

Salmos 42:8 ပူးပေါင်းရင်းမြစ်များ

2 Samuel 22:5

Inimicoroꞌsa imapachinacora: ‘Masarinaco mini. Marë coꞌsacairi imotërinso pochin tëpaponaco,’ topirahuë. Huëhuëpiro pama pochin inimicoroꞌsaso niꞌton, inapita nicato paꞌpi tëꞌhuatërahuë.

Salmos 124:4

Pamari maꞌsha quiquirinso pochin nani ataꞌhuanchitënënpoahuëꞌ.

Salmos 16:7

Yonquiransopita anitotëranco. Ina marëꞌ noya cancantato chinotëranquën. Tashirë chachin yonquihuatënquën, aꞌchintaranco noya nicaꞌhuaso marëꞌ.

Salmos 27:1

Sinioro, quëmasoꞌ aꞌpintatonco nichaꞌëranco. ¡Co insonta tëꞌhuataꞌhuaso yaꞌhuërinhuëꞌ! Sinioro, quëmasoꞌ paꞌpoyaranco niꞌton, noya yaꞌhuëarahuë. ¡Co inso tëranta tëꞌhuatarahuëꞌ!

Salmos 32:7

Quëmaso Sinioro paꞌpoyarancoi. Huëhuëpiro ninin quëran yaꞌshopirancoi. Catahuarancoi niꞌton, canatohuatoi cantarápoi.

Salmos 63:6

Tashinta quëhuënpatora yonquiáranquën. Yono tashihuë nipon, tahuëri yaꞌcarihuë nipon capayatohuatora, yonquiantaranquën.

Mateo 8:8

—Quëmasoꞌ Sinioro noya noyanquën. Co casoꞌ quëma pochincohuëꞌ. Co pëinëhuëquë huarëꞌ huëcamasoꞌ yaꞌhuërinhuëꞌ. Topinan camaiquëꞌ noyachin, tënahuë.

Hechos 16:25

Yono tashiꞌ nisahuasoꞌ, parisitaponaraihuëꞌ, co sëtopihuëꞌ. Cato chachin Yosë nontápi. Yosë chinotatonaꞌ, cantarapi. Apiroꞌsaꞌ natantapi.

Colosenses 3:3

Niꞌcoꞌ. Chimipisoꞌ co huachi isoroꞌpaꞌ yonquirinhuëꞌ. Inapochachin canpitantaꞌ Quisocristorëꞌquëmaꞌ chiminamaso pochin cancantatomaꞌ, co maꞌsharáchin yonquiaramahuëꞌ. Aꞌna tahuëri huachi Quisocristorëꞌquënpoaꞌ Yosëꞌpaꞌ noya noya yaꞌhuëcontarihuaꞌ.