Salmos 40:9 - Chayahuita (Shahui)

⁹ Notohuaroꞌ piyapinënpita niyontonpiquë, noya nicacaisoꞌ shaꞌhuitërahuë. Nani Sinioro shaꞌhuitërahuësoꞌ nitotëran. Co piyapiꞌsa canitërahuëꞌ.

Salmos 40:9 ပူးပေါင်းရင်းမြစ်များ

Salmos 139:2

Yaꞌipi ninahuësopita quëmasoꞌ nitotëran. Aquëranta nipirinhuëꞌ, maꞌsona yonquirahuëso nitotëran.

Salmos 22:22

Inapotohuatanco, imarinquënsopita achinicancanarahuë. Niyontonaiquë chinotatënquën: “Yosparinquën,” itarainquën.

Salmos 22:25

Naporinso marëꞌ ina chinotato: “Notohuaroꞌ imarinënquënsopita niyontonpiquë, chinotaranquën. Noꞌtëquën nonaton catahuatëranso marëꞌ napotaranquën. Maꞌsona nicaꞌhuasoꞌ shaꞌhuitëranquënsopita, chinotërinënsopita niꞌtonënquë ananiarahuë,” itarahuë.

Salmos 37:31

Cancanëna quëran Yosë aꞌchininsoꞌ, yonquirápi. Napoaton co toꞌcoitërëso pochin nisapihuëꞌ.

Jeremías 31:33

Naporo tahuëriꞌsa israiroꞌsarëꞌco anoyatohuato, iso pochin nisarahuë: Aꞌchintërahuësopita yonquinëna quëran anitotarahuë. Ina nitotohuachinaꞌ, noꞌtëquën natëtacaisoꞌ catahuararahuë. Casáchin chinotarinaco. Inapitanta piyapinëhuëpita nisapi.

Juan 21:17

Ina quëran naquëranchin itantarin: —Iya Simon, ¿tëhuënchachin nosororanco ti? itantarin. Cararoꞌ natanin niꞌton, Pitro sëtërin. —Yaꞌipi Sinioro nitotëran. Nosororanquën mini, ina nitotëran, itërin. —Imarinacosopitasoꞌ, ohuicaroꞌsa pochin nipi niꞌton, noya aꞌpaiquëꞌ.

Hebreos 2:12

Quiricanënquë naporin: “Piyapiꞌsaꞌ iyahuëpita pochin niꞌnahuë. Quëma nanamën, Sinioro, aꞌchintarahuë. Niyontonpatëira, yonquiatëinquën, cantarai,” tënin.