Salmos 40:17 - Chayahuita (Shahui)

¹⁷ Caso nipirinhuëꞌ, maꞌsha onpoato nosorotárahuë. Ama Sinioro naniantocosohuëꞌ. Quëmasáchin catahuatonco nichaꞌëranco. ¡Manóton catahuaco huachi!” itërahuë.

Salmos 40:17 ပူးပေါင်းရင်းမြစ်များ

Salmos 34:4

Maꞌsha onpoato Sinioro chinotërahuë. Paꞌpi paꞌyanpirahuëꞌ, ina nichaꞌërinco huachi.

Salmos 34:6

Saꞌahuaya pochin cancantato, chiníquën Sinioro nontërahuë. Inasoꞌ, nani maꞌsha onporahuë quëran nichaꞌërinco.

Salmos 40:5

Napoaton Sinioro nontato napotërahuë: “Quëmasoꞌ Sinioro catahuancoiso marëꞌ notohuaroꞌ paꞌyápiro nininsopita ninan. Noya yonquirancoisontaꞌ, huaꞌhuayátërahuë. Catahuarancoisopita shaꞌhuihuatointaꞌ, co apira tiquichináchinhuëꞌ.

Salmos 69:33

Nosorotopisopitari nontohuachinara, Siniororisoꞌ natanin. Piyapinënpita áquë quëpapirinahuëꞌ, co nocaninhuëꞌ.

Isaías 41:17

Popriroꞌsaꞌ, sano piyapiroꞌsaꞌ, inapitaso iꞌsha yonípirinahuëꞌ, co quënanpihuëꞌ. Paꞌpi yamorotonaꞌ, yaniconopirapi. Napopirinahuëꞌ, ca Sinioroco niꞌto, catahuarahuë. Ca Yosënëmaco niꞌto, inapitanta co aꞌpoapohuëꞌ.

Mateo 8:20

—Sacaiꞌ imancosoꞌ iyasha, tënahuë. Anashiroꞌsaꞌ, huëꞌëshinantëna yaꞌhuëtopi, inaquë huëꞌëpi. Inairaroꞌsantaꞌ pëꞌpëtëna yaꞌhuëtopi. Caso nipirinhuëꞌ Yosë quëran quëmapico niporahuëꞌ, co pëiꞌ yaꞌhuëtërincohuëꞌ. Paꞌsápato, co yaꞌhuëmiatërahuëꞌ, itërin.

2 Corintios 8:9

Sinioro Quisocristo nosoroatonpoaꞌ, catahuarinpoasoꞌ nani nitotëramaꞌ. Iráca noya noya inápaquë yaꞌhuëpirinhuëꞌ, isoroꞌpaquë oꞌmarin nichaꞌëinquëmaso marëꞌ. Co mantaꞌ isëquë yaꞌhuëtërinhuëꞌ. Parisitërin quëran nichaꞌërinquemaꞌ noya noya cancantacaso marëꞌ. Parisitaton, naꞌcon catahuarinquëmaꞌ.

Hebreos 13:6

Napoaton chiníquën cancantatëhuaꞌ naporëhuaꞌ: “Yosë catahuarinpoaꞌ niꞌton, co tëꞌhuarëhuahuëꞌ. ¡Piyapiꞌsaꞌ maꞌsha onpotopirinpoahuëntaꞌ, co tëꞌhuatarihuahuëꞌ!” tënëhuaꞌ.

Santiago 2:5

Niꞌcoꞌ iyaroꞌsaꞌ. Naꞌaquënpoaꞌ co naꞌcon coriqui yaꞌhuëtopirinpoahuëꞌ, Yosë huayoninpoaꞌ imacaso marëꞌ. Yosë nohuitohuatëhuaꞌ, nóya cancantarihuaꞌ. Huëntonënquë chachin ayaꞌconinpoaꞌ niꞌton, Yosëꞌpaꞌ noya noya yaꞌhuëcontarihuaꞌ. Nani shaꞌhuitërinpoaꞌ. “Nosorohuatamaco, inápaquë quëpantaranquëmaꞌ,” itërinpoaꞌ.

1 Pedro 2:23

Inimiconënpitari pinopachinara, co yaiꞌhuërëtërinhuëꞌ. Aparisitopirinahuëꞌ, co noꞌhuirinhuëꞌ. “Aꞌna tahuëri Yosëri noꞌtëquën anaꞌintarin,” taꞌton, Yosëíchin natërin.

1 Pedro 5:7

Ama maꞌsha onpochináchin yonquicosohuëꞌ. Yaꞌipiya Yosë shaꞌhuitocoꞌ catahuainquëmaꞌ. Ina quëran: “Nosoroatonpoaꞌ, co naniantarinpoahuëꞌ,” taꞌtomaꞌ sano cancantocoꞌ.

Apocalipsis 22:20

Quisoso chachin anitotërincosoꞌ yaꞌipi ninshitëranquëmaꞌ. “Tëhuënchachin co huaꞌquiya quëranhuëꞌ oꞌmantararahuë,” tënin. ¡Inapoquëꞌ Sinioro! Aꞌnaroáchin oꞌmantaquëꞌ, itërahuë.