Salmos 37:4 - Chayahuita (Shahui)

⁴ Sinioroíchin nosoroaton capa cancantëquëꞌ. Ina nohuanton nohuantomiatëransopita natanansoꞌ, yaꞌhuëtarinquën.

Salmos 37:4 ပူးပေါင်းရင်းမြစ်များ

Salmos 104:34

Inasáchin yonquirahuëso nitotaton, noya cancanchin. Inaíchin yonquiato caso noya cancantërahuë.

Salmos 145:19

Noya nicatona natëpisopitasoꞌ, Siniorori nohuantopisoꞌ acotërin. Catahuacaso marëꞌ nontohuachinara, natanaton nichaꞌësarin.

Salmos 43:4

Artaronënquë huarëꞌ canconahuato chinotaranquën. Arpa piꞌniato: ‘Yosparinquën,’ itaranquën. Quëmasáchin yonquiatënquën capa cancantërahuë,” itërahuë.

Isaías 58:14

Ina pochin ina tahuëri niꞌpatamaꞌ, ca yonquiatomaco capa cancantaramaꞌ. Ahuëtatona canatohuachinara, paꞌyatacaiso marëꞌ motopiroꞌsa quëpatopi. Inapita quëpapiso pochin carimanta noya nisarama niꞌton, quëpaponquëmaꞌ. Cacopo quëran pipirama niꞌton, ina noꞌpaꞌ quëtërahuëquë noya noyatërinsopita aꞌcaponquëmaꞌ. Inapotohuatënquëmaꞌ, capa cancantarama huachi,” tënin.

Juan 15:16

Co canpitaora nohuanton imaramacohuëꞌ. Ca nohuanto, imaramaco. Carinquëmaꞌ huayonanquëmaꞌ. Nani acoranquëma opa sëꞌpaquën naꞌcon nitërinso pochin nisápamaso marëꞌ. Inapohuatamaꞌ: ‘Quisoso nanan quëtërinco,’ taꞌtomaꞌ, Yosë nontocoꞌ catahuainquëmaꞌ. Ca pochin yonquiatomaꞌ, maꞌsona nipatamaꞌ, acochinquëmaꞌ.

Juan 15:7

Casáchin yonquihuatamaco, naꞌcon catahuaaranquëmaꞌ. Aꞌchintëranquëmasontaꞌ ama naniantocosohuëꞌ. Ina yonquiatomaꞌ, Yosë nontocoꞌ. Tëhuënchachin imamiatohuatamaco, maꞌsona nohuantohuatamaꞌ, shaꞌhuitoco acochinquëmaꞌ.

1 Pedro 1:8

Quisocristo co onporontaꞌ quënanapomarahuëꞌ, nosororamaꞌ. Ipora huantaꞌ co nicapomarahuëꞌ, “Co nonpintarincohuëꞌ. Catahuarinco,” taꞌtomaꞌ, ina natëramaꞌ. Cancanëma quëran ina nohuitatomaꞌ, nóya cancantëramaꞌ. Ina yonquiatomaꞌ, capa cancantëramaꞌ.