Salmos 37:3 - Chayahuita (Shahui)

³ Canpitaso noya nicatoma Sinioro natëcoꞌ. Inasáchin cancantatoma isoroꞌpaquë yaꞌhuëcoꞌ.

Salmos 37:3 ပူးပေါင်းရင်းမြစ်များ

Génesis 26:2

Inaquë Siniorori yaꞌnotahuaton, itërin: “Ama Iquipitoquë paꞌmaquësohuëꞌ. Insëquësona quëparitacasoꞌ, carinquën shaꞌhuitaranquën.

Génesis 26:3

Ipora marësoꞌ, iso noꞌpaquë yaꞌhuëtacoꞌ. Carinquën caꞌtanatënquën catahuararanquën. Yaꞌipi iso noꞌpaꞌ, carinquën quëtaranquën. Shiparinpitantaꞌ, ina chachin quëtarahuë. Tataparin Apraan nani shaꞌhuitërahuë niꞌton, quëtaranquëmaꞌ.

1 Reyes 19:6

Huënsërahuaton yonisarin. Niꞌpirinhuëꞌ, motoantërinso pirayan pan pënayaquë anpipisoꞌ, quënanin. Iꞌshanta yonshaquë ina pirayan huënsëarin. Ina quëran huanirahuaton coshatërin, oꞌorin, naporin. Nani coshatohuachina quëhuëantaton huëꞌantarin.

Salmos 33:19

Chimirin quëran nichaꞌëcaso marëꞌ aꞌpaiarin. Tanaro tahuëriꞌsanta nipirinhuëꞌ, aꞌpaiaton catahuararin niꞌton, nanpiapi.

Proverbios 3:5

Ama canpitaora yonquiramaso nicosohuëꞌ. “Yosëíchin catahuarinco,” taꞌtomaꞌ, yaꞌipi cancanëma quëran ina natëcoꞌ.

Isaías 40:11

Huaꞌanëni ohuicanënpita aꞌpairin. Carniroaꞌhuaroꞌsaꞌ, iporahuaton quëparin. Nasha huaipisopita oshaquëran quëpaton aꞌcarin. Ina naporinso pochin canpoantaꞌ, Sinioro noya aꞌpaiarinpoaꞌ,” itocoꞌ.

Isaías 50:10

(-)

Lucas 22:35

Ina quëran yaꞌipi caꞌtanoꞌsanënpita itapon: —Iráca aꞌchinacamaso marëꞌ aꞌparanquëmaꞌ. Paꞌpatamara, coriqui, pëꞌpëto, sapatëꞌ, co inapita tërantaꞌ quëparamahuëꞌ. Topinan paꞌpatamara, ¿co mantaꞌ pahuantërinquëmahuëꞌ ti? itërin. —Co mantaꞌ pahuantërincoihuëꞌ. Noya paꞌnai, itopi.

Deuteronomio 30:20

Sinioronënpoasoꞌ Yosë niꞌton, inasáchin cancantatoma nosorocoꞌ. Nosoroatoma noꞌtëquën natëcoꞌ. Inapohuatamaꞌ, huaꞌqui tahuëri noꞌpaꞌ quëtarinquëmaquë, yaꞌhuëaramaꞌ. Nani shimashonëmapita Apraan, Isaco, Cacopo, inapita: ‘Caso Yosëco niꞌto, shiparimapita iso noꞌpaꞌ quëtarahuë,’ itërin,” tënin Moisësë.