Salmos 33:2 - Chayahuita (Shahui)

² Arpa piꞌniatoma Sinioro chinotocoꞌ. “Yosparinquën Sinioro,” taꞌtoma piꞌnicoꞌ. Shoncarin arpanta piꞌniatomaꞌ, cantanën cantacoꞌ.

Salmos 33:2 ပူးပေါင်းရင်းမြစ်များ

Éxodo 15:20

Naporoꞌ aꞌna sanapinta huanirin, Maria itopisoꞌ. Inasoꞌ, Yosë yonquirinso shaꞌhuinaꞌpi. Aaron oshinpain. Pantirita piꞌniaton, Yosë cantanën cantararin. Yaꞌipi israironoꞌsanta yorantapi. Naporahuatona Yosë marëꞌ nansarapi.

Apocalipsis 14:2

Ina quëran inápaquë chiníquën tënëntërinsoꞌ natanahuë. Panca soꞌpora pochin tënëntarin. Chiníquën huira pochin natanpirahuëꞌ, arparoꞌsaꞌ piꞌniatonaꞌ, naporapi.

Apocalipsis 5:8

Nani maꞌpahuachina, maꞌsharoꞌsa pochin nininsopita isonahuatonaꞌ, Carniroaꞌhua chinotapi. Ansianoꞌsantaꞌ isonahuatonaꞌ, ina chinotapi. Aꞌnaya aꞌnaya arparoꞌsaꞌ sëꞌquëpi piꞌniatonaꞌ chinotacaiso marëꞌ. Sënaontaꞌ aꞌnaya aꞌnaya quëpapi, oro quëran nininsoꞌ. Inaquë yonarin pochin pimóchin nininsoꞌ yaꞌhuërin tomontacaso marëꞌ. Tomontërinso pochin imarëhuasopita Yosë nontërëhuaꞌ. “Nontohuatëhuaꞌ, noya nataninpoaꞌ,” taꞌtonaꞌ, Yosë chinotapi.

2 Samuel 6:5

Tapisoꞌ, aꞌnapitarë chachin imatatonaꞌ, cantararapi. Nansararapi. Yaꞌipi cancanëna quëran naporarapi. Aꞌnaquën nisha nisha nininsopita piꞌnirarapi: Arpa, nisha quitara, pantirita, pirinan, huaꞌna shari shari, inapita piꞌnirasoiꞌ, naporarapi.