Salmos 32:5 - Chayahuita (Shahui)

⁵ Naporoꞌ oshanëhuë shaꞌhuitëranquën. Co noyahuëꞌ ninahuësopita noꞌtëquën shaꞌhuitëranquën. Inapohuatora, yaꞌipi oshanëhuë Sinioro inquitëranco huachi.

Salmos 32:5 ပူးပေါင်းရင်းမြစ်များ

2 Samuel 12:9

Nani carima pënënanquëmaꞌ: Nimapatamaꞌ ama nitëhuananpitocosohuëꞌ, itëranquëmaꞌ. Naporahuaton ama tëpatocosohuëꞌ itëranquëmaꞌ. Napo pënëntërahuësoꞌ co nocanacaso yaꞌhuëpirinhuëꞌ, nocanan. ¡Inapoaton co costarahuësohuëꞌ ninan! Quëma camaitëran quëran Oriasë amonoꞌsari tëparin. Inapotahuaton saꞌin matëran.

1 Reyes 8:50

Co noyahuëꞌ nicatona oshahuanpisoꞌ, inquitëquëꞌ. Co natantochináchinhuëꞌ cancantopisonta inquitahuaton, catahuaquëꞌ. Quëpapisopitari nosorocaiso marëꞌ catahuaquëꞌ.

Copo naporinso' 31:33

Aꞌnaquënsoꞌ, tëhuëaponaraihuëꞌ: ‘Co tëhuëraihuëꞌ,’ toconpi. Caso nipirinhuëꞌ, tëhuërahuësopita co poꞌorahuëꞌ. Co onporonta poꞌoana quëran co noyahuëꞌ ninahuëꞌ.

Salmos 103:12

Piꞌi pipirin quëran, yaꞌconinquë huarëꞌ áquë tënëhuaꞌ. Ina quëran áquë áquë pochin Yosëso oshanënpoa inquitatonpoaꞌ, naniantërin.

Salmos 103:3

Yaꞌipi co noyahuëꞌ ninahuësoꞌ inquitërinco. Yaꞌipi caniorahuësontaꞌ, anoyatërinco.

Salmos 51:6

Noya cancantaꞌhuaiso marëꞌ acorancoi niꞌton, catahuacoi noꞌtëquën yonquiꞌi.

Proverbios 30:20

(-)

Isaías 65:24

Coꞌhuara përashátëraponacohuëꞌ, aꞌpaniarahuë. Nontërinacosonta co tiquiátërasoihuëꞌ, natanahuato aꞌpaniarahuë.

Jeremías 2:23

Canpitaso naporamaꞌ: ‘Quiyasoꞌ co mamanshiroꞌsa mosharaihuëꞌ. Co coton tapipinan pochin ninaihuëꞌ,’ toconamaꞌ. ¡Co ina pochin nonamaso yaꞌhuërinhuëꞌ! ¿Maꞌta nipachin Pini-inon motopiananquë onporamaꞌ? ‘Tëhuënchachin co noyahuëꞌ ninai,’ tocoꞌ. Camiyo paya huënaitohuachina itohua itohua taꞌarinso pochin niconamaꞌ.

Jeremías 2:35

Inapoapomarahuëꞌ: ‘Co manta tëhuëraihuëꞌ. Co maꞌmarë tëranta Yosë noꞌhuiincoiso yaꞌhuërinhuëꞌ,’ toconamaꞌ. Noyapaꞌ. ‘Co manta oshahuanaihuëꞌ,’ tënamaso marëꞌ coisëquë niquëpapiso pochin nitaranquëmaꞌ.

Jeremías 31:20

Napohuachinaꞌ cari itarahuë: ‘Canpitaso piyapinëhuëpitanquëma niꞌton, paꞌya paꞌyatëranquëmaꞌ. Co aꞌnapitaso canpita pochin nosororahuëꞌ. Aꞌna tahuëriso mini, chiníquën pënënanquëmaꞌ. Inapotopiranquëmahuëꞌ, co naniantëranquëmahuëꞌ. Yaꞌipi cancanëhuë quëran nosoromiatëranquëmaꞌ. Ca Sinioroco shaꞌhuitaranquëmaꞌ.

Oseas 6:1

Canpitaso israiroꞌsanquëma naporamaꞌ: “Huëco yaꞌipinpoa Sinioro chachin chinotaantaꞌahuaꞌ. Chiníquën anaꞌintopirinpoahuëꞌ, nontohuatëhua anoyataantarinpoaꞌ. Apisáchin pochin acopirinpoahuëꞌ, inachachin nonëantarinpoaꞌ. Noya chinotohuatëhuaꞌ, aꞌnaroáchin anoyatarinpoaꞌ. Ananpitaantarinpoaso pochin catahuararinpoa niꞌton, noya niꞌsarinpoaꞌ. Chiníquën cancantatëhua Sinioro nohuitahuaꞌ. Inapohuatëhuaꞌ, Siniorosoꞌ huëcapaiantarinpoaꞌ. Nani tahuëri piꞌi pipirinso pochin, oꞌnápiquë noꞌpaꞌ caniororinso pochin huëcapaiantarinpoaꞌ,” tënamaꞌ.

Malaquías 3:8

Naporama niꞌton, carimanta ayonquiꞌinquëmaꞌ: ‘¡Caso Yosëco niꞌto, co onporonta ihuamacoso yaꞌhuërinhuëꞌ! ¡Canpitaso napoaponahuëꞌ, ihuaramaco!’ Napoapomarahuëꞌ, ‘¿maꞌta onpoatoi ihuarainquënsoꞌ?’ itaantaramaco. ‘Diesmoroꞌsa co quëtatomacohuëꞌ, ihuaramaco. Maꞌpitaso quëtamacoso nininsontaꞌ, co quëtatomacohuëꞌ naporamaꞌ.

Lucas 16:15

Tëhuapirinahuëꞌ, Quisosori itërin: “Canpitasoꞌ Yosë imaramaso pochin nipomarahuëꞌ, co tëhuënchachin imaramahuëꞌ. Nonpinamaꞌ. Yonquiramaso chachin Yosë nitotërin. Piyapiꞌsaꞌ noya niꞌpirinënquëmahuëꞌ. Cancanëma quëranso yanonpinamaꞌ niꞌton, Yosë co piꞌpian tërantaꞌ noya niꞌsarinquëmahuëꞌ,” itërin.

Lucas 7:47

Tëhuënchachin naꞌcon oshahuanpirinhuëꞌ, oshanën inquitarahuë. Napoaton naꞌcon naꞌcon nosororinco, tënahuë. Aꞌnaquënso nipirinhuëꞌ, “Co aquëtëꞌ oshahuanahuëꞌ,” taꞌtonaꞌ, co onpopinchin nosororinacohuëꞌ, tënin.

Efesios 4:32

Yaꞌipi piyapi noya nontocoꞌ. Nosoroatomaꞌ, catahuacoꞌ. Maꞌsha onpotohuachinënquëmaꞌ, ama ina yonquicosohuëꞌ. Quisocristo imaramaꞌ niꞌton, Yosë oshanëmaꞌ inquitërinquëmaꞌ. Canpita marëꞌ chiminin niꞌton, nanan anoyatërinquëmaꞌ. Inapochachin canpitantaꞌ aꞌnapita maꞌsha onpotohuachinënquëmaꞌ, nanan anoyatatomaꞌ, noya nontocoꞌ.