Salmos 32:11 - Chayahuita (Shahui)

¹¹ Sinioro yonquiatoma capa cancantocoꞌ. Noya piyapitatoma aꞌnapita maꞌshanënanta noya niꞌpatamaꞌ, capa cancantatomaꞌ, “yai,” charácoꞌ.

Salmos 32:11 ပူးပေါင်းရင်းမြစ်များ

Salmos 32:2

Oshanënpoa Yosë shaꞌhuitohuatëra, inquitërinpoaꞌ. Inquitërinpoa niꞌton, inaso co piꞌpian tëranta ina yonquirinhuëꞌ.

Salmos 33:1

Noyasáchin ninaꞌpinquëma noya cancantocoꞌ. Yaꞌipi cancanëna quëran imapisopitari Sinioro chinotohuachinaꞌ, noya noya cantapi.

Romanos 5:11

Naporahuaton, “Yosë nosororinpoaꞌ,” taꞌtëhuaꞌ, ina paꞌyatërëhuaꞌ. Huiꞌnin chachin nanan anoyatërinpoaꞌ niꞌton, noya cancantërëhuaꞌ.

Deuteronomio 12:12

Naporo tahuëriꞌsaꞌ, Sinioro marëꞌ pita nisaramaꞌ. Huiꞌnamaꞌ, piyapinëmaꞌ, inapitanta canpitarë chachin capa cancantaponaꞌ. Nihuiroꞌsanta canpitarë yaꞌhuërinsoꞌ, naporo capa cancanchinaꞌ. Inapitasoꞌ co canpita pochin noꞌpaꞌ mapihuëꞌ niꞌton, ichicapacancancoꞌ.

Filipenses 3:1

Iporasoꞌ iyaroꞌsaꞌ Quisocristo yonquiatomaꞌ, nóya cancantocoꞌ. Iráca quëran huarëꞌ inachachin inachachin pënënápiranquëmahuëꞌ, co amirahuëꞌ. Naquëranchachin natantahuatamaꞌ, yonquiantaramaꞌ. Ina quëran noya noya imasaramaꞌ, tënahuë.

Filipenses 3:3

Yosë marcanën co nonënpoaquë niacotërëhuahuëꞌ. Cancanënpoaꞌ Yosë anoyacancantërinpoaꞌ. Cancanënpoa quëran ina chinotarëhuaꞌ. Ispirito Santo chachin catahuarinpoaꞌ noya chinotacaso marëꞌ. Co canpoara nanitërëhuahuëꞌ noya cancantacasoꞌ. Quisocristoíchin anoyacancantohuachinpoaꞌ, nichaꞌësarinpoaꞌ, tënëhuaꞌ. Napoaton canpoasoꞌ Yosë piyapinënpita ninëhuaꞌ.

Filipenses 4:4

Nani tahuëri Quisocristo yonquiatomaꞌ, noya cancantocoꞌ. Naquëranchin inachachin shaꞌhuichinquëmaꞌ. Maꞌsha onpoapomarahuëꞌ, noya cancantocoꞌ, tënahuë.

1 Samuel 2:1

Naporoꞌ Anantaꞌ, Yosë nontaton itapon: “Sinioro yonquiato capa cancantërahuë. Yaꞌipi cancanëhuë quëran capa cancantërahuë. Achinirinco niꞌton, inimicoroꞌsa aꞌpaniaꞌhuaso nanitërahuë. Catahuarinco niꞌton, noya cancantërahuë.