Salmos 32:1 - Chayahuita (Shahui)

¹ Insosona tëhuëaton oshahuanpirinhuëꞌ, Yosëri noyá inquitohuachina, tëhuënchachin capa cancanchin.

Salmos 32:1 ပူးပေါင်းရင်းမြစ်များ

Nehemías 4:5

Co noyahuëꞌ cancantopiso marëꞌ ama nichaꞌëquësohuëꞌ. Oshahuanpiso yonquiráquëꞌ. Paira nicasocoi noꞌhuiatërinacoi niꞌton, inapotëquëꞌ,” itërahuë.

Salmos 103:3

Yaꞌipi co noyahuëꞌ ninahuësoꞌ inquitërinco. Yaꞌipi caniorahuësontaꞌ, anoyatërinco.

Salmos 40:4

Sinioroíchin ninahuatëhuaꞌ, tëhuënchachin capa cancantarihuaꞌ. Co natëtochináchinhuëꞌ cancantopisopita, co catahuainposo marëꞌ yonirihuahuëꞌ. Mamanshi moshacaiso marëꞌ Yosë aꞌpopisopitantaꞌ, co tahuërëtarihuahuëꞌ.

Salmos 42:1

Yo taꞌahuachina, yamoroton iꞌsha naꞌcon naꞌcon nayarin. Inapochachin cantaꞌ, Yosë naꞌcon naꞌcon nohuantërahuë.

Salmos 84:12

Sinioro quëmasoꞌ, yaꞌipi nanitaparan. Chinotërinënquënsopitasoꞌ, tëhuënchachin capa cancantomiatapi.

Salmos 89:15

Noya ancantatonaꞌ chinotohuachinën, tëhuënchachin capa cancantapi. Quëmari Sinioro aꞌpintatë pochin quëpaaran niꞌton, noya paꞌsapi.

Isaías 1:18

Huëco paꞌahua nonatëhua anoyatahuaꞌ. Quëhuanën quëran aꞌshitërëso pochin naꞌcon oshahuanpiramahuëꞌ, inquitaranquëmaꞌ. Ina inquitatënquëmaꞌ, ocai, piꞌshiro, inapita huiritërinso pochin, anoyacancantaranquëmaꞌ.

Isaías 43:25

Inapopiramahuëꞌ, Yosënëmaco niꞌto, paꞌpi co noyahuëꞌ ninamasopita, inquitaranquëmaꞌ. Co yanatëtatomahuëꞌ anoꞌhuitopiramacohuëꞌ, co huachi inapita yonquiarahuëꞌ.

Isaías 44:22

Tëhuëtatomaco oshahuanamasopita inquitëranquëmaꞌ. Chitoro inquirinso pochin inapita ayatërahuë. Carima nichaꞌëranquëma niꞌton, ca chachin tahuërëtaantaco,” tënin.

Mateo 16:17

—Ma noyacha iyasha Yosë catahuarinquën niꞌton, naporan. Napoaton noya cancantëran. Co quëmaora yonquinën quëran nitotëranhuëꞌ. Tata Yosë chachin anitotërinquën. Quëmasoꞌ Conasë huiꞌninquën. Simon itopirinënquënhuëꞌ,

Lucas 11:28

Inaso napopirinhuëꞌ, Quisosori itapon: —Yosë nanamën natanahuatona natëpisopita tëhuënchinsoꞌ, noya noya cancantaponaꞌ tënahuë, itërin.

Apocalipsis 22:14

Huënainën quëran anoyacancantërinsopita nóya cancantaponaꞌ. Aꞌmopisoꞌ pëꞌsarëso pochin noyápiachin cancantapi. Inapitasáchin nanan yaꞌhuëtopi nanpirin nara nitërinsoꞌ capatonaꞌ, nanpimiatacaisoꞌ. Naporahuaton, nasha Quirosarinquë noya yaꞌconapi.