Salmos 27:3 - Chayahuita (Shahui)

³ Sontaroꞌsa huënton tancapitopirinacohuë tërantaꞌ, co paꞌyanapohuëꞌ. Ahuëinacoso marëꞌ noya niacohuachinarantaꞌ, sano cancantarahuë.

Salmos 27:3 ပူးပေါင်းရင်းမြစ်များ

Copo naporinso' 4:6

Quëmasoꞌ noꞌtëquën Yosë natëran. Inapoaton noyasáchin ninan. Naporan nichinapon chachin, ‘Yosë mini anoyataantaponco,’ tëquëꞌ.

Filipenses 1:28

Aꞌnaquën co Quisocristo imatonahuëꞌ, noꞌhuiarinënquëmaꞌ, aparisitarinënquëmaꞌ. Noꞌhuipirinënquëmaontaꞌ, ama tëꞌhuatocosohuëꞌ. Chiníquën cancantohuatamaꞌ, yonquiapi. “Ma inacha Yosë imapisopitaso paya. Yosëri catahuarin niꞌton, chaꞌësapi. Co imarëhuasopitasohuëꞌ nipirinhuëꞌ, co nichaꞌësarinpoahuëꞌ,” tosapi. Yosëíchin catahuarinpoaꞌ chiníquën cancantacasoꞌ.

1 Pedro 3:14

Aꞌna tahuëriso nipirinhuëꞌ imaramaso marëꞌ aparisitohuachinënquëmaꞌ, ama tëꞌhuatocosohuëꞌ. “Quisocristo marëꞌ parisitarëhuaꞌ,” taꞌtomaꞌ, noya cancantocoꞌ. Yosë noya catahuarinquëmaꞌ niꞌton, ama paꞌyancosohuëꞌ.

Apocalipsis 2:10

Ipora tahuëriꞌsaꞌ naꞌcon parisitapiramahuëꞌ, ama tëꞌhuacosohuëꞌ. Sopai nohuanton, tashinan pëiquë poꞌmoarinënquëmaꞌ. Yosë aꞌpocamaso marëꞌ napotarinënquëmaꞌ. Shonca tahuëri pochin parisitaramaꞌ. Tëpapirinënquëmaontaꞌ, ama aꞌpocosohuëꞌ. Imamiatohuatamaco, inápaquë acanaranquëmaꞌ. Inatohuaꞌ nanpimiataramaꞌ.

1 Samuel 19:8

Naquëranchin israiroꞌsa huiristinoꞌsarëꞌ niahuëantapi. Napoaton Tapisoꞌ sontaronënpitarë chachin huiristinoꞌsa ahuëcaiso marëꞌ paantapi. Ahuëtohuachinara, huiristinoꞌsa canatonaꞌ, notohuaroꞌ tiquipi. Chaꞌëpisopitasoꞌ, taꞌapi.