Salmos 27:14 - Chayahuita (Shahui)

¹⁴ Napoaton chiníquën cancantato: “¡Siniorosoꞌ onpopionta catahuararinco! Chiníquën cancantato inasáchin ninarahuë. ¡Tëhuënchachin Sinioro catahuarinco!” tënahuë.

Salmos 27:14 ပူးပေါင်းရင်းမြစ်များ

Génesis 49:18

Ina quëran Cacoposoꞌ Yosë nontaton tapon: “¡Sinioro, quëmasoꞌ nichaꞌësaranco tënahuë!” itërin.

Salmos 130:5

Yaꞌipi cancanëhuë quëran catahuaancoso ninaranquën. Nani shaꞌhuitëranco niꞌton, “co nonpintarancohuëꞌ,” tënahuë.

Salmos 33:20

Quiyasoꞌ Sinioroíchin chinotërai. ¡Ina paꞌpoyatoncoi catahuarincoi!

Salmos 37:34

Quëmanta Sinioro natëton ina ninaquëꞌ. Inapohuatan Sinioro noya acoarinquën. Inari chachin iso noꞌpaꞌ huaꞌanëntacaso marëꞌ quëtarinquën. Inpioroꞌsa ataꞌhuantërinsoꞌ, quëmaora yaꞌpiran quëran chachin niꞌsaran.

Salmos 37:7

Sinioro yonquiaton sano cancantëquëꞌ. “Catahuaponco mini,” tëcaton ina ninaquëꞌ. Aꞌnaquën co noyahuëꞌ nicaponahuëꞌ maꞌhuanahuachin, ama noꞌhuitëquësohuëꞌ.

Salmos 40:1

Maꞌsha onpohuatora, Sinioroíchin catahuaincoso ninarahuë. Naporahuë niꞌton, co napion ancantato nontërahuësoꞌ natanahuatonco, catahuarinco.

Isaías 30:18

Inapotiimaso shaꞌhuitopirinquëmahuëꞌ, iporaso nosoroinquëmaso marëꞌ ninarinquëmaꞌ. Inasoꞌ, nosororinquëmasoꞌ paꞌpi yaaꞌnotërinquëmaꞌ. Siniorosoꞌ noyasáchin ninaꞌpi. Inaso Yosë niꞌton, inasáchin ninahuatëhuaꞌ, tëhuënchachin capa cancantarihuaꞌ.

Isaías 40:31

“Sinioro mini catahuarinco,” topisopitaso nipirinhuëꞌ, nashaquëranchin chiniantarëso pochin nicaponaꞌ. Panca onian co sacai quëranhuë yanponinso pochin nicatonaꞌ, co oshataponahuë maꞌsona noya nicacaisoꞌ. Co canotonahuanhuë taꞌarëso pochin co sanpataponahuëꞌ. Co aminahuanhuë iratërëso pochin, Yosë imamiataponaꞌ.

Isaías 8:17

Cacopo quëran pipipisopita, Siniorori co huachi yacatahuarinhuëꞌ. Cariso napoaporahuëꞌ, inasáchin ninarahuë: ‘Catahuarinco mini,’ tënahuë.

Habacuc 2:3

Shaꞌhuitaranquënsopitasoꞌ, co apiramiachin naniarinhuëꞌ. Napoaponahuë onpopionta nanipon. Huaꞌquiarin pochin nipirinhuëntaꞌ, ninaquëꞌ. Tahuërinën nanihuachin, nanipon.

Lucas 2:25

Quirosarinquë chachin aꞌna quëmapi yaꞌhuërin, Simion itopisoꞌ. Nóya quëmapi inasoꞌ. Nani tahuëri Yosë chinotërin. “Aꞌna tahuëri Yosë nichaꞌësarinpoaꞌ,” taꞌton, Cristo aꞌpaimacasoꞌ ninarárin. Ispirito Santori noyá yaꞌcoancantërin.

Lucas 2:38

Naporoꞌ inantaꞌ huëcaton, Quisosoaꞌhuaya niꞌnin. Noya cancantaton, Yosë nontërin. —Iso huaꞌhuasha nasitërinso marëꞌ: “Yosparinquën Sinioro,” itëranquën, tënin. Ina quëran Yosë imapisopita shaꞌhuitërin. —Yosë nohuanton, aꞌpaimarinsoꞌ nani nasitërin. Inasoꞌ nichaꞌësarinpoaꞌ, itërin. Naꞌa Quirosarinquë yaꞌhuëpisopita ina ninarapi niꞌton, napotërin.

Hechos 28:15

Yaꞌcaritohuatëira, Quisoso imapisopita inaquë yaꞌhuëpisoꞌ natantahuatonaꞌ, huëꞌpi. “Apio niyontonpiso,” itopiquë aꞌnaquën nacapirai. Naporahuaton, Tres Tapinasëquë canconpatëira, aꞌnapitantaꞌ quënancoantarai. Imasapi antaꞌ niꞌton, nacapiaponacoi huëꞌpi. Inapita Paono quënanahuaton, Yosë nontërin: “Yosparinquën,” itërin. Naporahuaton, chiníquën cancantërin.

Romanos 8:25

“Tëhuënchachin noyá nichaꞌësarinpoaꞌ,” taꞌtëhuaꞌ, co sëtërëhuahuëꞌ. Noya cancantatëhuaꞌ, ninarihuaꞌ.

1 Corintios 16:13

Ama huëꞌërëso pochin cancantatomarahuëꞌ, noya yonquicoꞌ. Yaꞌipi cancanëma quëran natëmiatocoꞌ. Maꞌsha onpoapomarahuëntaꞌ, chiníquën cancantocoꞌ. Niachinicancancoꞌ.

Efesios 3:16

Napoaton canpita yonquiatënquëmaꞌ, Yosë nontërahuë. “Quëmasoꞌ Sinioro chini chiníquën nanantëran. Noya noyanquën niꞌton, imarinënsopita nosoroaton, catahuaquëꞌ chiníquën cancanchinaꞌ. Ispirito Santori achinicancain noya noya imainënquën.

Efesios 6:10

Nani iyaroꞌsaꞌ pënënanquëmaꞌ. Yosë imatomaꞌ, nani tahuëri ina nontocoꞌ achinicancainquëmaꞌ. Inasoꞌ chini chiníquën nanantaton, yaꞌipi nanitaparin niꞌton, catahuarinquëmaꞌ.

Filipenses 4:13

Co caora nanitapapirahuëꞌ, Quisocristo achinicancaninco niꞌton, yaꞌipiya nanitaparahuë. Maꞌsha onpoaporahuëntaꞌ, noya ahuantërahuë.

Colosenses 1:11

Quëmasoꞌ, Sinioro, chini chiníquën nanantëran niꞌton, catahuaquëꞌ chiníquën cancanchinaꞌ. Maꞌsha onpohuachinaꞌ, catahuaquëꞌ noya cancantatonaꞌ, ahuanchinaꞌ. Aꞌnapitari aparisitohuachinaꞌ, catahuaquëꞌ ama noꞌhuiinasohuëꞌ,” itërai, Yosë nontatoi.