Salmos 24:2 - Chayahuita (Shahui)

² Ina nohuanton isoroꞌpaꞌ achinirinsopita yaꞌhuërin. Marëroꞌsaꞌ, iroꞌsaꞌ, inapita aipi noyá acorin.

Salmos 24:2 ပူးပေါင်းရင်းမြစ်များ

Génesis 8:22

Isoroꞌpaquë yaꞌhuapona pochin, piyapiꞌsa noya shaꞌtaponaꞌ. Nitërinsonta macaponaꞌ. Huënocanta yaꞌhuërahuaton, sëhuëonta yaꞌhuapon. Piꞌipi tahuëriꞌsanta nanirahuaton, oꞌnapinta nanipon. Tahuëri, tashiꞌ, inapitanta yaꞌhuapon,” tënin.

Copo naporinso' 38:4

Isoroꞌpaꞌ yaꞌhuëcaso marëꞌ simintonën pochin nininsoꞌ acoasoco, ¿insëquëta naporo quëmasoꞌ nisaran? ‘¡Naꞌcon nitotërahuë!’ tënan niꞌquëhuarëꞌ, ¡Shaꞌhuitoco insëquësona naporo nisaransoꞌ!

Salmos 33:6

Sinioro camaitohuachina, piꞌiroꞌtë yaꞌnorin. Inaquë yaꞌhuërinsopitantaꞌ, nonin quëran chachin acorin.

Salmos 89:12

Quëmari norti parti, sor parti, inapita acoran. Taporo, Irmon, inapita motopiroꞌsantaꞌ, quëmari acoran. Inapitanta piyapi pochin nicatonaꞌ, chinotaponën. Capa cancantatonaꞌ, cantaponaꞌ.

Salmos 93:1

¡Sinioro huaꞌanëntarin huachi! Noya noya aꞌmorëso pochin yaꞌnorin. Chini chiníquën nanantaton camaitarin. Yaꞌipiroꞌpaꞌ nóya acorin niꞌton, co piꞌpian tëranta nacontarinhuëꞌ.

Salmos 95:4

Acoporo yaꞌhuërinsopita quëran huarëꞌ huaꞌanëntërin. Ina inápa motopiroꞌsantaꞌ, huaꞌanëntërin.

Salmos 96:10

Nisha nisha nacionoꞌsaquë yaꞌhuëpisopitantaꞌ: “Sinioro huaꞌanëntërinpoa huachi. Isoroꞌpaꞌ noya acorin niꞌton, co huachi nacontarinhuëꞌ. Nisha nisha piyapinpoa nipirëhuahuëꞌ, napopináchin nicatonpoaꞌ huaꞌanëntarinpoaꞌ,” tocoꞌ.