Salmos 23:5 - Chayahuita (Shahui)

⁵ Inimicoroꞌsa noꞌhuipirinacohuëꞌ, quëmasoꞌ noya nicatonco, noya cosharo acotëranco. Pimo huaꞌsaiquë pashimototëranco. Minëquë taꞌpanápatëra chaꞌhuërinso pochin yaꞌsoaquë huarëꞌ catahuaranco.

Salmos 23:5 ပူးပေါင်းရင်းမြစ်များ

Salmos 104:15

Oꞌotona noya ancantacaiso marëꞌ huinonta yaꞌhuëtopi. Yaꞌpirina tapacaiso marëꞌ tomanta yaꞌhuëtopi. Capatona chinicaiso marëꞌ paonta yaꞌhuëtopi.

Salmos 116:13

Nichaꞌërancosoꞌ yonquiato, “Yosparinquën Sinioro” itaranquën. Quëmasáchin imatënquën nani tahuëri nontáponquën.

Salmos 16:5

Quëmasáchin Sinioro nohuantëranquën. Catahuamiatëranco niꞌton, nóya cancantarahuë. Noya aꞌpaiatonco niꞌsáranco.

Salmos 22:26

Aꞌnaquëmantaꞌ, aꞌnapita aparisitápirinënquëmahuëꞌ, noyá natëaquë huarëꞌ coshatoco huachi. Sinioro yoniramasopita huaꞌqui tahuëri nicatomaꞌ, ina chinotocoꞌ.

Amós 6:6

Huino oꞌotoma noꞌpiráramaꞌ. Noya noya huaꞌsaiꞌ pashiramaꞌ. Canpitaso taꞌhuantochináchin nisapiramahuëꞌ: “Maꞌta pini,” toconamaꞌ.

Mateo 6:17

Canpitaso nipirinhuëꞌ Yosë nontacaso marëꞌ co coshatohuatamahuëꞌ, ama piyapiꞌsaꞌ shaꞌhuitocosohuëꞌ. Noya ihuiantahuatomaꞌ, nitapacoꞌ.

Lucas 7:46

Niꞌtoroꞌsaꞌ huëꞌpachina, noya huaꞌsaiquë pashimototacasoꞌ yaꞌhuëpirinhuëꞌ, quëmasoꞌ co pashimototërancohuëꞌ. Iso sanapiso nipirinhuëꞌ nóya nicatonco, pimo huaꞌsaiquë pashirantëtërinco.

Juan 16:22

Inapochachin canpitantaꞌ ipora sëtapiramahuëꞌ, naquëranchin quënaantaranquëmaꞌ. Naporoꞌ nóya cancantaramaꞌ. Co huachi insontaꞌ nanitarinhuëꞌ asëtainëmasoꞌ. Nóya cancantomiataramaꞌ.

1 Corintios 10:16

Niyontonpatëhuara, Quisocristo chimininsoꞌ yonquirëhuaꞌ. “Quiya marëꞌ Sinioro huënainën paꞌnin niꞌton, ‘Yosparinquën’ tënai,” itatëhuaꞌ, huënainën pochin nininsoꞌ oꞌorëhuaꞌ. Cancanënpoa quëran huarëꞌ yonquiatëhuaꞌ, oꞌopatëhuaꞌ, huënainën napopináchin yonquirëhuaꞌ. Ina quëran cosharoꞌ ina nonën pochin nininsoꞌ sëꞌpanahuatëhuaꞌ, caꞌnëhuaꞌ. “Tëhuënchachin canpoa marëꞌ Quisocristo nonën ohuanpi,” taꞌtëhuaꞌ, napopináchin yonquirëhuaꞌ.

2 Corintios 1:21

Yosë chachin huëntonënquë ayaꞌconinpoaꞌ Quisocristo imacaso marëꞌ. Huayonatonpoaꞌ, acorinpoaꞌ piyapinënpita nicacaso marëꞌ.

Efesios 3:20

Tata Yosësoꞌ chini chiníquën nanantaton, yaꞌipi nanitaparin. Huaꞌyanën chachin nani yaꞌcoancantërinpoaꞌ niꞌton, noya catahuarinpoaꞌ. Nani tahuëri achinicancaninpoaꞌ niꞌton, cancanënpoa quëran huarëꞌ Yosë yonquiaꞌahuaꞌ. Ina nontohuatëhuaꞌ, “Catahuaco,” itohuatëhuaꞌ, naꞌcon catahuarinpoaꞌ. Naꞌcon nohuantopirëhuahuëꞌ, naꞌcon naꞌcon inasoꞌ nanitaparin nicacasoꞌ. Co nitotërëhuasohuëntaꞌ nanitaparin.

1 Juan 2:20

Canpitaso nipirinhuëꞌ imaramaꞌ. Quisocristo nohuanton, Ispirito Santo yaꞌcoancantërinquëmaꞌ. Napoaton noꞌtëquën yonquiramaꞌ.

1 Juan 2:27

Canpitaso nipirinhuëꞌ Ispirito Santo yaꞌhuëtërinquëmaꞌ. Quisocristo imaramaꞌ niꞌton, ina nohuanton, yaꞌcoancantërinquëmaꞌ. Nani tahuëri aꞌchintarinquëmaꞌ. Cancanëmaquë Yosë nanamën aꞌchintarinquëmaꞌ. Co onporontaꞌ nonpintërinquëmahuëꞌ. Noꞌtëquën aꞌchintërinquëmaꞌ niꞌton, co aꞌnapita aꞌchintinquëmasoꞌ yaꞌhuërinhuëꞌ. Ina natëhuatamaꞌ, noꞌtëquën yonquiaramaꞌ. Shaꞌhuitërinquëmaso pochachin Quisocristo imamiatocoꞌ.