Salmos 22:26 - Chayahuita (Shahui)

²⁶ Aꞌnaquëmantaꞌ, aꞌnapita aparisitápirinënquëmahuëꞌ, noyá natëaquë huarëꞌ coshatoco huachi. Sinioro yoniramasopita huaꞌqui tahuëri nicatomaꞌ, ina chinotocoꞌ.

Salmos 22:26 ပူးပေါင်းရင်းမြစ်များ

Salmos 107:9

Paꞌpi yamorotohuatëhuara, ina chachin inquitërinpoaꞌ. Paꞌpi tanahuatëhuarantaꞌ, napotërinpoaꞌ.

Salmos 116:14

Maꞌpitaso quëtaꞌhuanquënso shaꞌhuitëranquënsopita ananiarahuë. Yaꞌipi piyapinënpita niꞌtonënquë napoarahuë.

Salmos 116:18

Maꞌpitaso quëtaꞌhuanquënso shaꞌhuitëranquënsopita ananiarahuë. Yaꞌipi piyapinënpita niꞌtonënquë ananiarahuë.

Salmos 40:10

Noyasáchin ninansoꞌ shaꞌhuitërahuë. Nichaꞌërancosoꞌ, co nisha nisha cancantëransohuëꞌ, inapitanta shaꞌhuitërahuë. Nosororancosoꞌ, noꞌtëquënáchin nonansoꞌ, inapitantaꞌ, notohuaroꞌ piyapinënpita niyontonpiquë noꞌtëquën shaꞌhuitërahuë.

Salmos 40:16

Quëma chinotërinënquënsopitaso nipirinhuëꞌ, yonquiatënën capa cancanchinaꞌ. Quëmari nichaꞌëcasoꞌ nohuantopisopitanta napoꞌinaꞌ: ‘¡Siniorosoꞌ chini chiníquën nanantërin!’ chinaꞌ.

Salmos 69:32

Ina nicatona parisitopisopita capa cancantapi. Chinotërinënquënsopita chiníquën cancantapi.

Jonás 2:10

Ina quëran Siniorori camaihuachina, panca samisoꞌ, yonsanꞌpaꞌ Conasë imoconin.

Juan 4:14

Nisha iꞌsha carinquën quëtaranquën. Ina yaꞌhuëtohuachinquën, co huachi yamororëso pochin cancantaranhuëꞌ. Niꞌquëꞌ. Pancaiꞌ noꞌpa quëran pipihuachina, noyápiachin pipirárin. Co onporontaꞌ yanimarinhuëꞌ. Inapochachin nanpirin iꞌsha quëtohuatënquën, cancanënquë chachin yaꞌhuëtarinquën. Inaquë yaꞌhuápon huachi. Yosë nohuitaton, nanpimiataran, itërin.