Salmos 22:24 - Chayahuita (Shahui)

²⁴ Popriyaroꞌsa parisitohuachinara, Siniorosoꞌ co topinan niꞌsárinhuëꞌ. Co naꞌpitatë pochin nicaton, tananpitaponhuëꞌ. Co napion ancatatona nontohuachinara, natanahuaton catahuararin.

Salmos 22:24 ပူးပေါင်းရင်းမြစ်များ

Salmos 118:5

Co napion ancantato Sinioro nontërahuë. Ina quëran natanahuatonco nichaꞌërinco.

Salmos 22:2

Tahuëri tashirë chachin nontápiranquënhuëꞌ, co aꞌpanirancohuëꞌ. ¡Inapoato co manta sano cancantërahuëꞌ!

Salmos 22:6

Caso nipirinhuëꞌ, co piyapi pochin niꞌninacohuëꞌ. Chaꞌcho pochin nicatonaco tëhuarinaco. Naꞌa piyapiꞌsa co quëꞌyarinacohuëꞌ.

Salmos 34:6

Saꞌahuaya pochin cancantato, chiníquën Sinioro nontërahuë. Inasoꞌ, nani maꞌsha onporahuë quëran nichaꞌërinco.

Salmos 69:17

Piyapinënco niꞌto, ama nocancosohuëꞌ. Paꞌpi huëhuëpiroquë nisarahuë niꞌton, aꞌnaroáchin catahuaco.

Lucas 23:46

Napohuachina, Quisoso chiníquën nonin. —Apira Tata chiminarahuë. Huaꞌyanëhuë quëpaquëꞌ, itahuaton, chiminin.

Hebreos 5:7

Quisocristo isoroꞌpaquë oꞌmarahuaton, piyapi chachin nasitimarin. Yatëpahuachinara, chiníquën Yosë nontërin. Naꞌnëton, itapon: “Quëma nohuantohuatan Tata, nichaꞌëco, ama tëpaꞌinacosohuëꞌ. Nipirinhuëꞌ, co quëma nohuantohuatanhuëꞌ, maꞌsona yaonpotohuatancontaꞌ noya,” itërin. Noꞌtëquën yanatërin niꞌton, Yosëri natanaton, catahuarin noya natëcasoꞌ.