Salmos 22:23 - Chayahuita (Shahui)

²³ Sinioro imarëhuasopita inasáchin chinotahuaꞌ. ¡Cacopo shinpitanpoa inasáchin paꞌyatahuaꞌ! ¡Yaꞌipi israiroꞌsanpoa inapoaꞌahuaꞌ!

Salmos 22:23 ပူးပေါင်းရင်းမြစ်များ

Salmos 115:11

Sinioro noya nicatoma natëramasopitantaꞌ, inaíchin chinotocoꞌ. Inasoꞌ, catahuatonpoa paꞌpoyarinpoaꞌ.

Salmos 115:13

Ina noya nicatona natëpisopitantaꞌ, catahuararin. Huaꞌanoꞌsaꞌ, topinan piyapiꞌsaꞌ, inapitanta imapachinaꞌ, catahuararin.

Salmos 145:19

Noya nicatona natëpisopitasoꞌ, Siniorori nohuantopisoꞌ acotërin. Catahuacaso marëꞌ nontohuachinara, natanaton nichaꞌësarin.

Salmos 22:30

Cá quëran pipipisopita Sinioro chinotáponaꞌ. Ina naporinsopita chiminai huarëꞌ shaꞌhuiponaꞌ.

Salmos 33:8

Yaꞌipiroꞌpaquë yaꞌhuëramasopita Sinioro noya nicatoma natëcoꞌ. Yaꞌipi nanpiramasopita noya nicatoma natëcoꞌ.

Lucas 1:50

Iráca chinotopisopitantaꞌ nosororin. Ipora huantaꞌ ina chinotohuatëhuaꞌ, nosoroarinpoaꞌ.

Lucas 2:20

Ina quëran pëꞌtahuatonaꞌpiroꞌsaꞌ paantapi. “Maꞌpítacha natanëhua paya. Maꞌpítacha niꞌnëhua paya. Anquëniroꞌsaꞌ itërinpoaso chachin quënanëhuaꞌ. ¡Ma noyacha Tata Yosëso paya!” topi.

1 Corintios 10:31

Maꞌsona tërantaꞌ nipatamaꞌ, Yosë yonquiatomaꞌ, noya nicoꞌ aꞌnapitantaꞌ Yosë noya yonquicaiso marëꞌ. Napoaton coshatohuatamaꞌ, oꞌopatamaꞌ, maꞌsona tërantaꞌ nipatamaꞌ, ina yonquicoꞌ.

Apocalipsis 15:4

Yaꞌipiya Sinioro tëꞌhuachinënquën. Yaꞌipiya yonquiꞌinënquën. Quëmasáchin nóyanquën. Aꞌna tahuëri noꞌtëquën oshahuanoꞌsaꞌ anaꞌintaran niꞌton, nisha nisha piyapiꞌsaꞌ huëcatonaꞌ, chinotarinënquën,” topi cantatonaꞌ.