Salmos 22:16 - Chayahuita (Shahui)

¹⁶ Huëntonën niꞌnirasoꞌ, tancapitahuatona maꞌsha mapi. Inapochachin cantaꞌ, inimicoroꞌsa nitërinaco. Imirahuë, nantëhuë, inapita oquitërinaco.

Salmos 22:16 ပူးပေါင်းရင်းမြစ်များ

Salmos 22:1

Quëmaso Yosënëhuënquën nipiranhuëꞌ, ¿onpoatonta patëranco? ¡Huëcaton nichaꞌëco huachi! Co napion ancatato nontaranquënsoꞌ natanaton, ¡catahuaco huachi!

Salmos 22:20

Sahuëniquë tëparëso pochin yanitërinaco. Nichaꞌëco ama inapochinacosohuëꞌ. Niꞌnira pochin cancantatona yatëpapirinacohuëꞌ, ¡paꞌpoyaco!

Isaías 53:5

Napopirëhuahuëꞌ, co natantochináchinhuëꞌ cancantërëhuaso marëꞌ ina ohuanapi. Co noyahuëꞌ ninëhuasori naꞌintërin paꞌpi parisitarin. Ina anaꞌintërin quëran noya ninicatëhua yaꞌhuarihua huachi. Ohuanpisopita quëran noyatarihuaꞌ.

Mateo 26:57

Nani masahuatonaꞌ, corto huaꞌan chini chiníquën nanantërinsoꞌ yaꞌhuërinquë quëpapi, Caihuasë itopisoꞌ. Inaquë cotio maistroꞌsaꞌ, ansianoꞌsaꞌ, inapita nani niyontonpi.

Mateo 27:35

Ina quëran sontaroꞌsari corosëquë patanantopi. Nani patanantahuatonaꞌ, ninontopi. “Huëcoꞌ, nicanatëhuaꞌ Quisoso aꞌmorinsopita maahuaꞌ,” nitatonaꞌ, yaꞌnipirapi. Naporahuatonaꞌ, aꞌnaya aꞌnaya mapi.

Mateo 7:6

Ina quëran itaantarin: “Isontaꞌ aꞌchinchinquëmaꞌ. Niꞌniroꞌsaꞌ, coshiroꞌsaꞌ, inapita co yonquipihuëꞌ. Huirinaꞌpi paꞌton nininsoꞌ co quëtacasoꞌ yaꞌhuërinhuëꞌ. Noꞌpaquë acoramaꞌ naporini, iꞌnachitonahuëꞌ. Ina quëran canpitantaꞌ yaquëtëitënquëmahuëꞌ. Aꞌnaquën piyapiꞌsantaꞌ niꞌniroꞌsa pochin cancantopi niꞌton, Yosë nanamën aꞌchintohuatamaꞌ, chiníquën noꞌhuiarinënquëmaꞌ. Co piꞌpisha tërantaꞌ nohuantohuachinahuëꞌ, tananpitocoꞌ,” itërin.

Marcos 15:24

Ina quëran sontaroꞌsari corosëquë patanantopi. Nani patanantohuachinaraꞌ, “Huëcoꞌ, nicanatëhuaꞌ, Quisoso aꞌmorinsoꞌ maahuaꞌ,” nitatonaꞌ yaꞌnipirapi. Nicanatonaꞌ, aꞌnaya aꞌnaya mapi.

Lucas 23:23

“¡Corosëquë patanantëquëꞌ chimiꞌin!” itaantapi. Chiníquën nontápi niꞌton, “Inta nipachin,” itërin.

Lucas 23:33

Paꞌsahuatonaꞌ, aꞌna panëaꞌhuayaquë canconpi, “Nansë Motoꞌ,” itopiquë. Inaquë canconahuatonaꞌ, corosëquë patanantopi. Catoꞌ apiroꞌsantaꞌ nisha patanantopi. Aꞌna ahuënan quëran, aꞌna inchinan quëran. Quisososoꞌ ahuancanapipi. [

Juan 19:23

Ina quëran sontaroꞌsasoꞌ, nani Quisoso patanantahuatonaꞌ, aipi aꞌmorinsoꞌ nipatomatopi. Catapinitë yasëratonaꞌ, aꞌnaya aꞌnaya mapi. Acopotërinsosoꞌ nipirinhuëꞌ, co pipinamën yaꞌhuëtërinhuëꞌ. Yaꞌipitëꞌ aꞌnanpisoꞌ.

Juan 19:34

Aꞌna sontaroso nipirinhuëꞌ, nansaquë nininpitën ohuantërin. Huënaiꞌ iꞌshapitarë chachin pipirin.

Juan 19:37

Aꞌnantaꞌ ninshitërin: “Aꞌna tahuëri ohuanpisoꞌ niꞌsapi,” tënin Yosë quiricanënquë.

Juan 20:25

Quisoso quënanahuatoi, Tomasë shaꞌhuitonai: —Sinioro niꞌnai, itopiraihuëꞌ, co yanatërincoihuëꞌ. —Imirin ohuantopisoꞌ nicato sëꞌhuata huarëꞌ, nininpitëontaꞌ ohuantopisoꞌ sëꞌhuata huarëꞌ, natëarahuëꞌ, itërincoi Tomasë.

Juan 20:27

Ina quëran anquirahuaton, Tomasë itërin: —Imirahuë iyasha nicaton, sëꞌhuaquëꞌ. Nininpitëhuëntaꞌ sëꞌhuatoco. Ama huachi nisha nisha yonquiquësohuëꞌ. Natëco huachi, itërin.

Filipenses 3:2

Aꞌnaquënsoꞌ nonpin nanan aꞌchinapi. “Co marca niacotohuatamahuëꞌ, co Yosë piyapinënquëmaꞌ nisaramahuëꞌ,” topi nonpinatonaꞌ. Niꞌnira pochin paꞌpi co noyahuëꞌ cancantatonaꞌ, napopi. Niꞌcona, nonpintochinënquëmaꞌ. Inapitasoꞌ co noyahuëꞌ nisapi.

Apocalipsis 22:15

Aꞌnaquënso nipirinhuëꞌ, co onporontaꞌ Yosë yaꞌhuërinquë paꞌsapihuëꞌ. Niꞌni pochin cancantopisopita, pënotonoꞌsaꞌ, monshihuanaꞌpiroꞌsaꞌ, tëpatoroꞌsaꞌ, mamanshi chinotopisopita, inapita aipiran yaꞌhuëmiatapi. Aꞌnaquëontaꞌ nonpinápi niꞌton, co nohuantapihuëꞌ noꞌtën nanan imacaisoꞌ. Inapitantaꞌ co onporontaꞌ Yosëꞌpaꞌ paꞌsapihuëꞌ.