Salmos 22:11 - Chayahuita (Shahui)

¹¹ Ama naniantocosohuëꞌ. Nani maꞌsha onpopirahuëꞌ, co insonta catahuarincohuëꞌ.

Salmos 22:11 ပူးပေါင်းရင်းမြစ်များ

Salmos 69:18

Yaꞌcarirahuatonco catahuaco. Inimiconëhuëpita quëran nichaꞌëco.

Salmos 72:12

Nosorotopisopitari nontohuachinaꞌ, nichaꞌësarin. Pahuantopisopitanta co incari catahuapirinhuëꞌ, inari catahuapon.

Isaías 63:5

Niꞌpirahuëꞌ, co insonta catahuaincoso yaꞌhuërinhuëꞌ. Co yaꞌhuërinhuë nicato, paꞌyanahuë. Paꞌyanpirahuëꞌ, caora ahuëtato canatërahuë. Paꞌpi noꞌhuitërahuë niꞌton, napotërahuë.

Mateo 26:56

Napoaponahuëꞌ, Yosë nohuanton, iporasoꞌ masaramaco. Quiricanën quëran ninorinacoso chachin masaramaco, itërin. Ina quëran yaꞌipi caꞌtanoꞌsanënpitari taꞌananpipi huachi.

Mateo 26:72

—¡Coꞌchi nohuitërahuëꞌ paya! Yosë niꞌsárinco, co nohuitërahuëꞌ, taantarin Pitro.

Mateo 26:74

—¡Coꞌchi iyaroꞌsaꞌ paya! Yosë niꞌsárinco, co carisoꞌ nohuitërahuëꞌ. Nonpintohuatënquëmasoꞌ, Yosë anaꞌinchinco, tënahuë, itërin. Naporo chachin atari përarin.

Juan 16:32

Ipora tashi chachin yaꞌipinquëmaꞌ taꞌananpiaramaco. Yanquëërahuatomaꞌ, pëinëmaquë paꞌsaramaꞌ. Patopiramacohuëꞌ, co caora yaꞌhuapohuëꞌ. Tatahuë caꞌtanarinco.

Deuteronomio 32:36

Naquëranchin Moisësë cantaton tapon: “Canpitaso Sinioro chachin paꞌpoyarinquëmaꞌ. Co huachi nanitëramahuëꞌ niꞌpachina, nosoroarinquëmaꞌ: ‘Piyapinëhuëpita inimiconënpitari yaminsërin. Chiníquënoꞌsa capa niraꞌpiapi. Sanpacharoꞌsanta capa nisapi,’ topachina, catahuaarinquëmaꞌ.

Hebreos 5:7

Quisocristo isoroꞌpaquë oꞌmarahuaton, piyapi chachin nasitimarin. Yatëpahuachinara, chiníquën Yosë nontërin. Naꞌnëton, itapon: “Quëma nohuantohuatan Tata, nichaꞌëco, ama tëpaꞌinacosohuëꞌ. Nipirinhuëꞌ, co quëma nohuantohuatanhuëꞌ, maꞌsona yaonpotohuatancontaꞌ noya,” itërin. Noꞌtëquën yanatërin niꞌton, Yosëri natanaton, catahuarin noya natëcasoꞌ.