Salmos 22:1 - Chayahuita (Shahui)

¹ Quëmaso Yosënëhuënquën nipiranhuëꞌ, ¿onpoatonta patëranco? ¡Huëcaton nichaꞌëco huachi! Co napion ancatato nontaranquënsoꞌ natanaton, ¡catahuaco huachi!

Salmos 22:1 ပူးပေါင်းရင်းမြစ်များ

Copo naporinso' 3:24

Co napion natanato tarëtárahuë co capahuaso tëranta yonquirahuëꞌ. Naꞌnërápato co yamoro manincohuëꞌ.

Salmos 16:1

“Yosë noya aꞌpairinco,” taꞌto imaranquën Sinioro. Napoaton noya aꞌpaico.

Salmos 22:11

Ama naniantocosohuëꞌ. Nani maꞌsha onpopirahuëꞌ, co insonta catahuarincohuëꞌ.

Salmos 22:16

Huëntonën niꞌnirasoꞌ, tancapitahuatona maꞌsha mapi. Inapochachin cantaꞌ, inimicoroꞌsa nitërinaco. Imirahuë, nantëhuë, inapita oquitërinaco.

Salmos 37:28

Siniorosoꞌ, noyasáchin nipisopita paꞌyatërin. Imamiatërinsopita co onporonta aꞌpoarinhuëꞌ. Noya aꞌpairápon. Inpioroꞌsa shinpitaso nipirinhuëꞌ, ataꞌhuantapon.

Mateo 27:46

Naporoꞌ Quisoso chiníquën nonin. Iri, Iri, ¿nama sapacatani? tënin. Inaora nananquë nonaton, naporin. “¿Onpoatontaꞌ Tata patëranco?” tapon naporin.

Marcos 15:34

Naporoꞌ Quisoso chiníquën nonin. “Iroi iroi ¿nama sapacatani?” tënin. Inaora nananquë nonaton, naporin. “¿Onpoatontaꞌ Tata patëranco?” tapon naporin.

Lucas 22:44

Ina quëran paꞌpi sëtaton, chiníquën Yosë nontaantarin. Oncainën huënai pochin noꞌpaquë huiꞌshirin.]

Lucas 24:44

—Nani iꞌhua chachin iyaroꞌsaꞌ shaꞌhuitëranquëmaꞌ. Yosë quiricanënquë naꞌcon ninorinaco. Moisësë, pënëntonaꞌpiroꞌsaꞌ, inapita ninorinaco. Sarmoquëntaꞌ ninshitopi. Yaꞌipi iráca ninorinacosopita nanicasoꞌ yaꞌhuërin niꞌton, iso tahuëriꞌsaꞌ ina pochin ninahuë, itërin.

Hebreos 13:5

Ama coriquiráchin paꞌyatocosohuëꞌ. Co naꞌcon maꞌsha yaꞌhuëtopirinquëmahuëꞌ, sano cancantocoꞌ. Ama naꞌcon naꞌcon nohuantocosohuëꞌ. Yosë chachin nani shaꞌhuitërinpoaꞌ. “Co onporontaꞌ pataranquëmahuëꞌ. Co naniantaranquëmahuëꞌ,” itërinpoaꞌ.

Hebreos 5:7

Quisocristo isoroꞌpaquë oꞌmarahuaton, piyapi chachin nasitimarin. Yatëpahuachinara, chiníquën Yosë nontërin. Naꞌnëton, itapon: “Quëma nohuantohuatan Tata, nichaꞌëco, ama tëpaꞌinacosohuëꞌ. Nipirinhuëꞌ, co quëma nohuantohuatanhuëꞌ, maꞌsona yaonpotohuatancontaꞌ noya,” itërin. Noꞌtëquën yanatërin niꞌton, Yosëri natanaton, catahuarin noya natëcasoꞌ.

1 Samuel 12:22

Sinioronënpoasoꞌ Yosë chachin. Inaora nohuanton israiroꞌsanpoa huayoninpoaꞌ. Inasoꞌ, nani shaꞌhuitërinpoa aꞌpainpoasoꞌ. Co inasoꞌ aꞌpoarinpoahuëꞌ. Yaꞌipi shaꞌhuitërinpoasoꞌ acotarinpoaꞌ. Yaꞌipi isoroꞌpaquë yaꞌhuëpisopita noya nicatonaꞌ: “Ma noyacha inaso paya,” taꞌcaiso marëꞌ napotarinpoaꞌ.