Salmos 2:4 - Chayahuita (Shahui)

⁴ Siniorosoꞌ, inápaquë huaꞌanëntërin. Piyapiꞌsari noꞌhuipisoꞌ natanaton, tëhuarin.

Salmos 2:4 ပူးပေါင်းရင်းမြစ်များ

2 Reyes 19:21

Iso pochin Siniorori Asiria copirno anitotërin: ‘Quirosarinquë yaꞌhuëpisopita nanon pochin nicatonaꞌ, tëhuaponënquën Asiria copirno. Tëhuatënën huësë huësë́taponaꞌ. Ninanonëna patohuatan, napoaponaꞌ.

Salmos 115:3

Yosënëhuëisoꞌ, inápaquë yaꞌhuëarin. Inaora nohuanton maꞌsona nohuantërinsoꞌ ninin.

Salmos 37:13

Napopirinahuëꞌ, Siniororisoꞌ inapita yonquiaton tëhuarin. Anaꞌintacaso tahuëri nani naniarin niꞌton, naporin.

Proverbios 1:26

Naporamaso marëꞌ maꞌsha onpocamasoꞌ cantiiponquëmaꞌ. Inapoatoma paꞌyan yatëpasënquëmaꞌ, carimanta tëhuayataranquëmaꞌ.

Isaías 40:22

Yosësoꞌ, piꞌiroꞌtë tahuirinso aipi huaꞌanëntarin. Inatohua quëran canpoasoꞌ sëquërë pochin niꞌninpoaꞌ. Naꞌicaso marëꞌ nëꞌmëtë ótënëso pochin piꞌiroꞌtënta ótënin. Nëꞌmëtë pëi ótënatë pochin nitërin.

Isaías 66:1

Naquëranchin Sinioro taantarin: “Piꞌiroꞌtësoꞌ, huaꞌanëntërahuëso shiranëhuë pochin ninin. Isoroꞌpantaꞌ, nantëhuë ayaꞌnanahuëquë pochin ninin. Ina pochin niꞌton, ¡co insëquë tërantaꞌ, pëi nitamacoso marëꞌ nanirinhuëꞌ! ¡Co insëquë tëranta chinotaꞌhuaso marëꞌ nitamacosoꞌ nanitëramahuëꞌ!