Salmos 2:12 - Chayahuita (Shahui)

¹² Isonama quëran huiꞌnin chinotocoꞌ. Inapotatomaꞌ, apinorantëcoꞌ. Coꞌhuara noꞌhuiyátërasënquëmahuëꞌ, inapocoꞌ. Noꞌhuihuachinquëmasoꞌ, pahuayanpiramahuëꞌ chiminaramaꞌ. Coꞌsoꞌ chinotohuatamahuëꞌ, aꞌnanaya inaso noꞌhuiarinquëmaꞌ. Ina natëtoma chinotohuatamaso nipirinhuëꞌ, tëhuënchachin noya cancantaramaꞌ.

Salmos 2:12 ပူးပေါင်းရင်းမြစ်များ

Salmos 1:6

Noyasáchin nipatëhuaꞌ, Sinioro aꞌpaiarinpoaꞌ. Co noyahuëꞌ nipisopitaso nipirinhuëꞌ, oshanënari naꞌintarin. Inari naꞌintarin niꞌton, taꞌhuantapona huachi.

Salmos 2:5

Ina quëran noꞌhuiton pënënin. Iquianantaton aꞌpayanin:

Salmos 2:7

Copirno acorinsonta pënëntaton: “Iporaso Sinioro yonquirinsoꞌ, shaꞌhuichinquëmaꞌ. Inachachin nontatonco: ‘Quëmasoꞌ huiꞌnahuënquën. Ipora acoranquën huaꞌanëntamaso marëꞌ.

Salmos 34:8

Siniorosoꞌ nóya. Tënitoma nitotoco canpitantaꞌ. Ina natëtona chinotopisopitasoꞌ, ¡tëhuënchachin capa cancanchinaꞌ!

Salmos 34:9

Sinioroáchin cancantëramasopitasoꞌ, ina noya nicatoma natëcoꞌ. Ina noya nicatona natëpisopitasoꞌ, nani maꞌsha noya nininsoꞌ yaꞌhuëtapi.

Salmos 40:4

Sinioroíchin ninahuatëhuaꞌ, tëhuënchachin capa cancantarihuaꞌ. Co natëtochináchinhuëꞌ cancantopisopita, co catahuainposo marëꞌ yonirihuahuëꞌ. Mamanshi moshacaiso marëꞌ Yosë aꞌpopisopitantaꞌ, co tahuërëtarihuahuëꞌ.

Salmos 84:12

Sinioro quëmasoꞌ, yaꞌipi nanitaparan. Chinotërinënquënsopitasoꞌ, tëhuënchachin capa cancantomiatapi.

Isaías 30:18

Inapotiimaso shaꞌhuitopirinquëmahuëꞌ, iporaso nosoroinquëmaso marëꞌ ninarinquëmaꞌ. Inasoꞌ, nosororinquëmasoꞌ paꞌpi yaaꞌnotërinquëmaꞌ. Siniorosoꞌ noyasáchin ninaꞌpi. Inaso Yosë niꞌton, inasáchin ninahuatëhuaꞌ, tëhuënchachin capa cancantarihuaꞌ.

Juan 14:6

—Ca ira pochinco. Yaꞌipiya noꞌtëquën aꞌchintëranquëmaꞌ. Casáchin nanpicasoꞌ quëtëranquëmaꞌ. Imaramacosopitarachin Yosëꞌpaꞌ cancontaramaꞌ.

Juan 5:23

Ina quëran yaꞌipi piyapiꞌsaꞌ noya niꞌsarinaco. Tatahuë noya niꞌpiso pochachin niꞌsarinaco. Ina marëꞌ nanan quëtërinco. Co noya niꞌpatamacohuëꞌ, Tatahuëntaꞌ co noya niꞌnamahuëꞌ. Ina aꞌpaimarinco.

Romanos 10:11

“Insosona Quisocristo natëhuachin, co sëtarinhuëꞌ. Co aꞌpoarahuëꞌ,” tënin Yosë quiricanënquë.

Romanos 9:33

Yosë quiricanën quëran naporin: “Sionquë Cristo aꞌpapirahuëꞌ, co nohuantopihuëꞌ. Inapoatonaꞌ pancaraꞌpiquë iꞌparëso pochin niꞌpi. Co nohuantopihuëꞌ niꞌton, anotërëso pochin nipi. Nipirinhuëꞌ, insosona Cristo nohuantohuachin, co onporontaꞌ atapanarahuëꞌ. Noya niꞌsarahuë huachi,” tënin Yosë.

Efesios 1:12

Quiyaꞌton imarai. “Quisocristo nichaꞌësarinpoaꞌ,” taꞌtoi imarai. Noya imapatoi, aꞌnapitantaꞌ nicatonacoi, Yosë yonquiapi inahuantaꞌ: “Ma noyacha Tata Yosëso paya,” tosapi. Ina taꞌcaiso marëꞌ acorincoi.

1 Pedro 1:21

Quisocristo anoyacancantërinquëmaꞌ niꞌton, Yosë nohuitatomaꞌ, natëramaꞌ: “Tëhuënchachin catahuarinpoaꞌ,” tënamaꞌ. Quisocristo chiminaponahuëꞌ, Yosëri ananpitaantarin. Inápaquë quëpantarahuaton, chiníquën nanan quëtërin. Napoaton Yosëíchin imaramaꞌ. “Canpoantaꞌ ananpitaantarinpoaꞌ,” taꞌtomaꞌ, ninaramaꞌ.

1 Pedro 2:6

Quiricanën quëran ina ninorin: “Yapëihuachinara, noya noya naꞌpi nohuantopi pëiꞌ achinicaso marëꞌ. Cristo ina naꞌpi pochin nisarin. Sionquë acoarahuë. Ina natëhuatamaꞌ, ‘Co naniantarinpoahuëꞌ,’ taꞌtomaꞌ, co sëtërëso pochin cancantaramahuëꞌ,” tënin Yosë quiricanënquë.

1 Samuel 10:1

Naporoꞌ Samoirosoꞌ, toma taparinsoꞌ manin. Masahuaton Saono opomototërin. Napotahuaton apinorin. Ina quëran itapon: —Sinioro chachin israiroꞌsa huaꞌanëntacaso marëꞌ ipora tahuëri acorinquën. Quëmari huaꞌanëntahuaton, yaꞌipi inimiconënpita quëran nichaꞌësaran. Piyapinënpita huaꞌanëntacaso marëꞌ Yosë acorinquën. Ina nitotamaso marëꞌ apira shaꞌhuitaranquënsopita yaꞌipi naniarin: