Salmos 19:8 - Chayahuita (Shahui)

⁸ Nanamën quëran noꞌtëquën anitotërinpoaꞌ. Natëhuatëhuaꞌ, noya cancantarihuaꞌ. Camaitërinsopitasoꞌ, noyasáchin. Natëhuatëhuaꞌ, quënantërëso pochin cancantarihuaꞌ.

Salmos 19:8 ပူးပေါင်းရင်းမြစ်များ

Génesis 26:5

Apraansoꞌ: Yaꞌipi shaꞌhuitërahuësopita, camairahuësopita, pënënahuësopita, aꞌchintërahuësopita, yaꞌipi inapita natërin niꞌton, napoarahuë,” itërin.

Nehemías 8:12

Napotohuachinara, inahuaso yaꞌhuëpiquë paꞌsahuatonaꞌ, coshatopi, oꞌopi, napopi. Aꞌnaquëonta co yaꞌhuëtohuachinarahuëꞌ, ichicaꞌpi, ichioꞌopi, inapotopi. Naporahuatonaꞌ, aꞌchintopiso noya nitotopi niꞌton, capa cancantopi.

Nehemías 9:13

Ina quëran Sinai motopiquë nohuaraimaran. Naporoꞌ inápa quëran noya nicacaiso marëꞌ pënënan, camairan, naporan. Noꞌtën nanan aꞌchintahuaton, yonquínahuan yaꞌhuëcaiso marëꞌ anitotëran. Pënënancoisopita, camairancoisopita, anitotërancoisopita, inapitaso noyasáchin ninin. Chinoto tahuërinta acotëran. Ina tahuëri noya nicatonaꞌ, chinotiinënso marëꞌ acotëran. Piyapinën Moisësë itopiso quëran, yaꞌipi inapita anitotëran.

Salmos 105:45

Pënëntërinsopita, aꞌchininsopita, inapita noya nicatona natëcaiso marëꞌ napotërin. “¡Ma noyacha Sinioroso paya!” tocoꞌ.

Salmos 119:105

Tashi noya pacacaso marëꞌ nanparin aꞌpininquë noya paꞌnëꞌ. Inapochachin quëma nanamënsoꞌ, noꞌtëquën yonquicaꞌhuaso anitotërinco.

Salmos 119:130

Quëma nanamën natanpatora, aꞌpintërëso pochin catahuarinco. Apinapichin yonquipisopitantaꞌ, ina natanpachina, yonquínanhuan quëparitapi.

Salmos 119:143

Naꞌaro maꞌsha onpoato co napion ancantërahuë. Napoaporahuë quëma camaitëransopita yonquiato noya cancantërahuë.

Salmos 40:8

Quëma nohuantëranso chachin nohuantërahuë nicaꞌhuasoꞌ. Pënëntëransoꞌ, cancanëhuë quëran yonquirárahuë.

Salmos 93:5

Sinioronquën niꞌton, camaitëransopita yaꞌhuëmiatarin. Noyasáchin nicaton, chinotërinënquënso pëiquë yaꞌhuëran. Inaquë yaꞌhuëran niꞌton, pëinënsoꞌ noyápiachin yaꞌnorin.

Isaías 64:5

Noya cancantatona noya nipisopita, nohuantëransoráchin nipisopita, inapita quëmarisoꞌ noya niꞌnan. Iporaso nipirinhuëꞌ, oshahuanai niꞌton, noꞌhuirancoi. Nani huaꞌqui co quëma costaransohuëꞌ ninai.

Jeremías 15:16

Quëma nontohuatancora, paꞌyátërahuë natanaꞌhuasoꞌ. Huaꞌanëntëranco niꞌton, quëma nanamën acapacancamiatërinco. Quëmaso Sinioro Yosënquën, yaꞌipi nanitaparan.

Ezequiel 36:27

Ispiritonëhuë chachin ayaꞌcoancantaranquëma niꞌton, pënëntërahuësopita natëaramaꞌ. Nanamëhuënta natëaramaꞌ.

Romanos 3:20

“Pënëntërinsoꞌ natëhuatëhuaꞌ, Yosë noya niꞌsarinpoaꞌ,” topirinahuëꞌ aꞌnaquën. Co ina marëꞌ noya niꞌninpoahuëꞌ. Pënëntërin quëran oshahuanëhuasoꞌ anitotërinpoaꞌ. Ina natanpatëhuara, “Tëhuënchachin oshahuanëhuaꞌ. Co noyahuëꞌ ninëhuaꞌ,” tënëhuaꞌ.

Romanos 7:22

Cancanëhuë quëran Yosë pënëninpoasoꞌ paꞌyatato, yanatëpirahuëꞌ.

Romanos 7:7

Napoahuarëꞌ, “Moisësë pënëntërinsoꞌ aoshahuaninpoaꞌ niꞌton, co noyahuëꞌ,” ¿tëcarihuaꞌ ti? ¡Co naporinhuëꞌ! Napoaponahuëꞌ, pënëntërin quëran oshahuanëhuasoꞌ nitotërëhuaꞌ. Iso pochin yonquiaꞌahuaꞌ. “Ama aꞌna piyapi maꞌshanënaꞌ noyapatocosohuëꞌ,” tënin iráca pënëntaton. Casoꞌ ina natanato, “Tëhuënchachin aꞌnapita maꞌshanën noyapatato, co noyahuëꞌ yonquirahuë. Ina marëꞌ oshahuanahuë,” tënahuë.

Gálatas 2:19

Iráca cantaꞌ pënëntërinsoꞌ imapirahuëꞌ, co nanitërahuëꞌ noꞌtëquën natëcaꞌhuasoꞌ. Co ina imato noya cancantërahuëꞌ. Oshahuanato, chimipi pochin cancantërahuë. Napoaton iráca pënëntërinsoꞌ naniantërahuë Yosëíchin yonquicaꞌhuaso marëꞌ.

Gálatas 3:21

Ina pochin niꞌquëhuarëꞌ Moisësë pënëntërin niꞌton, ¿Yosëri Apraan shaꞌhuitërinsoꞌ tapirin ti? Co naporinhuëꞌ. Pënëntërinsoꞌ noya noya nicaton, anoyacancantërinpoaꞌ naporini, ina natërëhuaso marëꞌ Yosë noya niꞌitonpoahuëꞌ.