Salmos 19:2 - Chayahuita (Shahui)

² Tahuërinta tahuëri capini, tashinta tashi capini nishaꞌhuitopiso pochin nicatonaꞌ, Yosë noya noya nininsoꞌ anitotërinpoaꞌ.

Salmos 19:2 ပူးပေါင်းရင်းမြစ်များ

Génesis 1:6

Ina quëran Yosë taantarin: “¡Niquë niquë iꞌ yaꞌhuëcaso marëꞌ yaꞌcopinamën yaꞌhuëꞌin!” tënin. Topachina, inachachin yaꞌhuërin huachi.

Génesis 1:7

Yosëri iꞌ yaꞌcopinamën nipachina, ina aipi iꞌ yaꞌhuërin. Inaanaquëntaꞌ, iꞌ yaꞌhuërin.

Génesis 8:22

Isoroꞌpaquë yaꞌhuapona pochin, piyapiꞌsa noya shaꞌtaponaꞌ. Nitërinsonta macaponaꞌ. Huënocanta yaꞌhuërahuaton, sëhuëonta yaꞌhuapon. Piꞌipi tahuëriꞌsanta nanirahuaton, oꞌnapinta nanipon. Tahuëri, tashiꞌ, inapitanta yaꞌhuapon,” tënin.

Salmos 148:12

quëmapiꞌsaꞌ, sanapiꞌsaꞌ, huiꞌnapiꞌsaꞌ, mashoroꞌsaꞌ, huaꞌhuaroꞌsaꞌ, payaroꞌsaꞌ,

Salmos 150:1

¡Ma noyacha Sinioroso paya! Siniorosoꞌ pëinënquë yaꞌhuëarin. Niyontonahuatëhuaꞌ, inaquë chinotahuaꞌ. Piꞌiroꞌtëquë acorinsopita nicatëhuaꞌ, chiníquën nanantërinsoꞌ yonquiaꞌahuaꞌ.

Salmos 8:4

Inapita acoaponahuëꞌ, ¿piyapicointa yonquirancoi ti? ¡Co quiyasoꞌ máquëncoihuëꞌ! ¡Co yonquiatoncoi catahuancoiso inashitëraihuëꞌ!