Salmos 19:12 - Chayahuita (Shahui)

¹² Co noyahuëꞌ nipatoira, co quiyaora nitotëraihuëꞌ. Tëhuëtatëinquën oshahuanpiraihuëꞌ, co nitotëraihuëꞌ. Ina marëꞌ anaꞌintancoiso nipirinhuëꞌ, nichaꞌëcoi.

Salmos 19:12 ပူးပေါင်းရင်းမြစ်များ

Salmos 139:2

Yaꞌipi ninahuësopita quëmasoꞌ nitotëran. Aquëranta nipirinhuëꞌ, maꞌsona yonquirahuëso nitotëran.

Salmos 139:6

Yaꞌipi inaporanso yonquihuatora, paꞌyanahuë. Onpoatonso napomaranquën. Yonquirahuësoꞌ, co inaquë huarëꞌ icaninhuëꞌ.

Salmos 40:12

Naꞌcon maꞌsha onporahuë. Co tiquinahuanhuë niꞌton, co shaꞌhuichináchinhuëꞌ. Co noyahuëꞌ ninahuëso marëꞌ parisitárahuë. Yaꞌpirahuë quëraontaꞌ, co huachi noya quënantërahuëꞌ. Motohuëquë naꞌcon ain yaꞌhuërin. Ina quëran naꞌcon naꞌcon maꞌsha onporahuë. Naporahuaton co huachi chiníquën cancantërahuëꞌ.

Salmos 51:2

Co noyahuëꞌ cancantërahuëso noyá paꞌmorëso pochin, oshanëhuë inquitatonco noyápiachin cancan quëtoco.

Salmos 65:3

Co noyahuëꞌ cancantatoi co noyahuëꞌ ninai. Oshahuanpiraihuëꞌ, oshanëhuëi inquitërancoi.

Salmos 90:8

Yaꞌipi co noyahuëꞌ ninaisopita nitotëran. Poꞌoana quëran nicatoi oshahuanpiraihuëꞌ, yaꞌipi nitotëran.

Éxodo 24:12

Siniorori Moisësë itaantapon: —Iso Sinai motopiquë nisarahuë niꞌton, huënantaton ninaco. Inaquë cato naꞌpitëaꞌhua quëchinquën. Inaquë pënëntërahuësoꞌ, camaitërahuësoꞌ, inapita nani ninshitërahuë. Ina quëran israiroꞌsa aꞌchintaramaꞌ, itërin.

Proverbios 13:13

Camairinënquënso co natëhuatanhuëꞌ, parisitamaso yaꞌhuërin. Natëhuatanso nipirinhuëꞌ, canacamaso quënaanan.

Isaías 64:6

Yaꞌipicoi quiyasoꞌ, amirotochináchin quëmapi pochin ninai. Yaꞌipi noya ninaisopitantaꞌ, amiro nëꞌmëtë pochin niconin. Naramë ahuiton shitatërinso pochin ninai. Paꞌpi co noyahuëꞌ ninaisoꞌ naꞌintërincoi niꞌton, ihuan maꞌsha quiquirinso pochin nitërincoi.

1 Corintios 4:4

Noya mini natërahuë, topirahuëꞌ, co casoꞌ Yosë pochin nitotërahuëꞌ. “Noyaco,” tënahuëso marëꞌ co Yosë noya niꞌsarincohuëꞌ. Inaíchin yaꞌipi nitotaton, noꞌtëquën shaꞌhuitarinpoaꞌ.

Hebreos 9:7

Noya noya patoanaquëso nipirinhuëꞌ, co yaꞌipi yaꞌconpihuëꞌ. Aꞌnaíchin chini chiníquën nanantërinsoáchin yaꞌconin. Co ina tërantaꞌ nani tahuëri yaꞌconinhuëꞌ. Nani piꞌipiquë aꞌna tahuëriáchin yaꞌconahuaton, maꞌsha huënainën quëparin. Inaora oshanën marëꞌ quëparin. Naporahuaton, piyapiꞌsaꞌ co yonquiatonahuë oshahuanpiso marëntaꞌ quëparin.

1 Juan 1:7

Yosësoꞌ noyasáchin ninin. Tahuëri pochin cancantërin. Canpoantaꞌ tahuëri pochin yonquihuatëhuaꞌ, Yosë nohuitarihuaꞌ. Naporahuaton, noya niniꞌtëhuaꞌ yaꞌhuarihuaꞌ. Huiꞌnin chachin chiminin niꞌton, yaꞌipi oshanënpoaꞌ inquitarinpoaꞌ. Huënainën quëran anoyacancantarinpoaꞌ.