Salmos 16:7 - Chayahuita (Shahui)

⁷ Yonquiransopita anitotëranco. Ina marëꞌ noya cancantato chinotëranquën. Tashirë chachin yonquihuatënquën, aꞌchintaranco noya nicaꞌhuaso marëꞌ.

Salmos 16:7 ပူးပေါင်းရင်းမြစ်များ

Salmos 22:2

Tahuëri tashirë chachin nontápiranquënhuëꞌ, co aꞌpanirancohuëꞌ. ¡Inapoato co manta sano cancantërahuëꞌ!

Salmos 42:8

Napoaporahuëꞌ, tahuëri nanihuachin nosoroaranco. Tashinta nipirinhuëꞌ, yonquiatënquën cantarápo. Quëmasáchin ananpiranco niꞌton, nontáponquën:

Salmos 63:6

Tashinta quëhuënpatora yonquiáranquën. Yono tashihuë nipon, tahuëri yaꞌcarihuë nipon capayatohuatora, yonquiantaranquën.

Salmos 73:21

Inapita yonquiato noꞌhuitochináchin cancantopirahuëꞌ.

Salmos 73:24

Noya nicaꞌhuaso marëꞌ nani tahuëri ayonquiranco. Aꞌna tahuërintaꞌ, inápaquë quëpantaranco huachi.

Proverbios 8:14

Ca nohuanton maꞌsha nicacaiso marëꞌ yonquipi. Inapohuachinara ca nohuanton ina inachachin acopi. Ca nohuanton noꞌtëquën yonquipi, chinipi, napopi.

Isaías 50:4

Sinioro piyapinën naporin: “Canotërëso pochin cancantopisopita achinicancanacaso marëꞌ, Sinioro aꞌchintërinco. Nani tashiramiachin taꞌtato natantaꞌhuaso marëꞌ catahuarinco.

Lucas 6:12

Ina quëran Quisoso aꞌna motopiaꞌhuaquë paantarin Yosë nontacaso marëꞌ. Yaꞌipi tashiꞌ Yosë nontárin.

Apocalipsis 2:23

Sanapi imarinsopitasoꞌ co natërinacohuëꞌ niꞌton, ataꞌhuantarahuë. Ina nicatonaꞌ, yaꞌipi imarinacosopitantaꞌ yonquiapi. ‘Tëhuënchachin Sinioro nohuitërinpoaꞌ. Yonquirëhuasontaꞌ nitotërin. Co noyahuëꞌ nipatëhuaꞌ, noꞌtëquën anaꞌintarinpoaꞌ,’ tosapi.