Salmos 150:3 - Chayahuita (Shahui)

³ Tronpitaroꞌsa pihuitëhuaꞌ, ina chinotahuaꞌ. Nisha nisha arparoꞌsa piꞌniatëhua cantahuaꞌ.

Salmos 150:3 ပူးပေါင်းရင်းမြစ်များ

2 Samuel 6:15

Sinioro caposonën quëpapisopita caꞌtanpisopitasoꞌ, capa cancantatonaꞌ: “Yai, yai,” charapi. Tapinta napórarin. Aꞌnaquëontaꞌ, tronpitaroꞌsa pihuiraapi.

2 Samuel 6:5

Tapisoꞌ, aꞌnapitarë chachin imatatonaꞌ, cantararapi. Nansararapi. Yaꞌipi cancanëna quëran naporarapi. Aꞌnaquën nisha nisha nininsopita piꞌnirarapi: Arpa, nisha quitara, pantirita, pirinan, huaꞌna shari shari, inapita piꞌnirasoiꞌ, naporarapi.

Salmos 33:2

Arpa piꞌniatoma Sinioro chinotocoꞌ. “Yosparinquën Sinioro,” taꞌtoma piꞌnicoꞌ. Shoncarin arpanta piꞌniatomaꞌ, cantanën cantacoꞌ.

Daniel 3:5

Apira nisha nisha piꞌnirapi: Tronpitaroꞌsaꞌ, nisha nisha pirinanoꞌsaꞌ, inapita pihuirapi. Nisha nisha arparoꞌsaꞌ, tonton, tanporo, inapitanta piꞌnirapi. Yaꞌipi nisha nisha piꞌnicaiso nipisopita piꞌnirahuachinaꞌ, yaꞌipinquëma isonaramaꞌ. Isonama quëran noꞌpaquë huarëꞌ monshorahuatoma mamanshi anitërahuësoꞌ, moshaaramaꞌ. Inso tëranta co yamoshahuachinhuëꞌ, panca orno huënaratapaquë tëꞌyatacaiso marëꞌ camaitarahuë,’ tënin,” itërin.