Salmos 148:8 - Chayahuita (Shahui)

⁸ oꞌcoriꞌ, ocai anotërinsoꞌ, ocai tachitërinsoꞌ, noyahuan chitoroꞌ, Yosëri camaihuachina panca ihuan paꞌninsoꞌ,

Salmos 148:8 ပူးပေါင်းရင်းမြစ်များ

Génesis 19:24

Naporoꞌ Siniorori, pën oꞌnan pochin aꞌpaimarin. Shaꞌpi moꞌshirë chachin, aꞌpaimarin. Sotoma, Comora, inapita ninanoroꞌsa aipi aꞌpaimarin.

Salmos 103:20

Anquëniroꞌsanquëmanta chiníquën nanantapomarahuëꞌ, Sinioro chinotocoꞌ. Canpitaso ina camaihuachinquëma aꞌnaroáchin natëramaꞌ.

Éxodo 10:13

Moisësësoꞌ, Yosë natëton anquirin. Anquihuachina, naporo chachin Yosë nohuanton ihuan huëꞌsarin huachi. Piꞌi pipirin parti quëran huëꞌsarin. Yaꞌipi tahuëri, yaꞌipi tashi ihuantarin. Ina ihuani chachin sëquërëꞌ quënin. Huaꞌhuayátërahuë niꞌton, yaꞌipi Iquipito roꞌtë imotërin. Iráca quëran huarëꞌ co ina nápo sëquërëꞌ niꞌchinpihuëꞌ. Aꞌna tahuërinta co huachi ina pochin yaꞌhuëantaponhuëꞌ.

Éxodo 14:21

Moisësë marë parti huaranën ihuërin. Ihuëpachina, Yosë nohuanton naporo tashi piꞌi pipirin parti quëran, panca ihuan huëꞌnin. Yaꞌipi tashi chiníquën ihuantohuachina, marë patomairin huachi. Patomairin niꞌton, panca ira pochin yaniro yaꞌnorin.

Joel 2:30

Ca nohuanton panca maꞌsha inápaquë yaꞌnorarin. Quënanpachina paꞌyanapi. Isoroꞌpaquëntaꞌ, piyapiꞌsa ayonquiaꞌhuaso marëꞌ maꞌsha acoarahuë: Huënaiꞌ, pën, conai tomontërinsoꞌ, inapita niꞌsapi.

Levítico 10:2

Napohuachina, inapita ahuiquitacaso marëꞌ Siniorori chachin pën aꞌpatimarin. Napoaton cato chachin chiminpi.

Amós 4:13

Sinioro napotarinquëmasoꞌ natancoꞌ. Inari motopiroꞌsa acorin. Inari chachin ihuaontaꞌ, acorin. Ina chachin maꞌsona yanininsopita anitotërinpoaꞌ. Ina nohuanton tahuërinta iꞌhuahuachina, tashirin. Ina inápa motopiroꞌsa quëran huarëꞌ inariso paꞌtërin. Inaso Sinioro, Yosë yaꞌipi nanitaparinsoꞌ. Inapochin nohuitahuaꞌ, tënahuë.

Amós 7:4

Ina piquëran Siniorosoꞌ, pën quëran yaꞌhuërë anaꞌintiinpoaso yonquirinsoꞌ, aꞌnotaantarinco. Paꞌpi huëya pën mashori panca marë anpotërinsoꞌ, ayanimiatërin. Iminoꞌsaꞌ, pastoroꞌsaꞌ, inapitanta huëyarantararin.

Jonás 1:4

Marë huancoanaiꞌ paꞌsapirinahuëꞌ, Sinioro nohuanton panca ihuaiꞌ paꞌnin. Napohuachina, panca coꞌsacaitërin. Napoaton: “Ipora tëhuënchinso nancha yaꞌquiapon,” topi yonquiatonaꞌ.

Jonás 1:5

Coꞌhuara inapoyátërasohuëꞌ, Conasëso pëꞌpëto quëpapiquë yaꞌcomarahuaton huëꞌësárin. Nancha quëpanaꞌpiroꞌsantaꞌ, paꞌpi paꞌyanpi. Napoatonaꞌ, mamanshinënapitari nichaꞌëcaiso marëꞌ nontopi. Nontopirinahuëꞌ, co yasanoirinhuëꞌ. Napohuachina, nancha niotëintacaso marëꞌ pëꞌpëto quëparapisoꞌ, tëꞌyaitopi.

Josué 10:11

Piti-oron ninano yaꞌcariꞌ, aꞌna nicotoana yaꞌhuërin. Inataquëchin aꞌnaquën amororoꞌsasoꞌ, israiroꞌsa tëꞌhuatatona paꞌmapi. Ina paꞌtomasoi, Siniorori chachin inápa quëran notohuaroꞌ panca naꞌpiroꞌsa aꞌpatiimarin. Ocai pochin aꞌpatiimarin. Ina naꞌpiroꞌsari notohuaroꞌ tiquirin. Israiroꞌsari sahuëniquë tëpapi quëran naꞌcon naꞌcon tiquirin.

Apocalipsis 16:21

Inápa quëran ocaiꞌ anotapon. Panca masho niꞌton, quëquën. Catapini shonca quiro pochin quëꞌninsoꞌ. Naꞌa anotohuachin, piyapiꞌsaꞌ chiníquën parisitapi. Napoaton Yosë chiníquën noꞌhuitonaꞌ, pinosapi huachi.