Salmos 148:4 - Chayahuita (Shahui)

⁴ Ina inápa piꞌiroꞌtë nininsontaꞌ, ina chinochin. Piꞌiroꞌtë aipi iꞌ yaꞌhuërinsontaꞌ, ina paꞌyachin.

Salmos 148:4 ပူးပေါင်းရင်းမြစ်များ

Génesis 1:6

Ina quëran Yosë taantarin: “¡Niquë niquë iꞌ yaꞌhuëcaso marëꞌ yaꞌcopinamën yaꞌhuëꞌin!” tënin. Topachina, inachachin yaꞌhuërin huachi.

Génesis 1:7

Yosëri iꞌ yaꞌcopinamën nipachina, ina aipi iꞌ yaꞌhuërin. Inaanaquëntaꞌ, iꞌ yaꞌhuërin.

Génesis 7:11

Naporoꞌ Noisoꞌ, saota pasa piꞌi, cato yoqui, shonca canchisë tahuëritarin. Naporo chachin isoroꞌpaꞌ huëncharoatë pochin ninin. Marënta acoporo yaꞌhuërinsoꞌ, pipimiatërin. Naporahuaton inapaquëntaꞌ, iꞌ yaꞌcopinamën yaꞌhuërinso niiꞌsoatërin. Napohuachina, paꞌpi iꞌ isoroꞌpaquë anotimarin.

1 Reyes 8:27

Pëi mini nitopiranquënhuëꞌ, co quëmasoꞌ inaquë naniaranhuëꞌ. Co piꞌiroꞌtëquë tëranta naniranhuëꞌ nichinapon chachin, aquëtë huarëꞌ iso pëi nitëranquënquësoꞌ, co naniponhuëꞌ.

Nehemías 9:6

Istrasëntaꞌ, Yosë nontaton tapon: “Quëmasáchin Sinioronquën. Quëmari yaꞌipi piꞌiroꞌtë acoran. Yaꞌipi yaꞌhuërinsopitarë chachin ninan. Isoroꞌpaꞌ, marë, inapitanta ninan. Yaꞌipi inaquëpita yaꞌhuërinsopitarë chachin acoran. Quëma nohuanton yaꞌipi yaꞌhuëapi. Quëma nohuanton chachin yaꞌipi nanpiapi. Piꞌiroꞌtëquë yaꞌhuërinsopita chinotarinën.

Salmos 104:3

Marë aipi inápa pëꞌsatëꞌ pëi pochin yaꞌhuëcamaso marëꞌ acoran. Chitorontaꞌ, toronanën pochin quëparinquën. Ihuaontaꞌ, anpiantëhuan pochin nicaton, quëparinquën.

Salmos 69:35

Quëmari chachin Quirosarinquë yaꞌhuëpisopita nichaꞌësaran. Cota huënton noꞌpanënaquë ninanoroꞌsa yaꞌhuërinsontaꞌ, anoyataantaran. Quëma nohuanton piyapinënpita iso noꞌpa chachin huaꞌanëntaponaꞌ. Huaꞌanëntatonaꞌ, inaquë yaꞌhuëapona huachi.

2 Corintios 12:2

Naporoꞌ inápaquë Yosë yaꞌhuërinquë chachin quëparinco. Nani shonca catapini piꞌipitarin quëparincosoꞌ. Huaꞌyanëhuëichin aꞌnaꞌ paꞌmara. Nonëhuëroꞌco chachin aꞌnaꞌ paꞌmaraco. Co casoꞌ nitotërahuëꞌ. Yosëíchin nitotërin.

Deuteronomio 10:14

Sinioronënpoasoꞌ Yosë niꞌton, yaꞌipi piꞌiroꞌtë huaꞌanëntërin. Yaꞌipi inaquë yaꞌhuërinsopitanta huaꞌanëntërin. Isoroꞌpanta nisahuaton, yaꞌipi yaꞌhuërinsopitarë chachin huaꞌanëntërin.