Salmos 148:14 - Chayahuita (Shahui)

¹⁴ ¡Piyapinënpitanpoa chiníquën nanan quëtërinpoaꞌ! Yaꞌipi imarinsopitari chinochinaꞌ. Israiroꞌsanpoasoꞌ, cancantërinpoaꞌ. Ina piyapinënpoa ninëhuaꞌ. ¡Ma noyacha Sinioroso paya!

Salmos 148:14 ပူးပေါင်းရင်းမြစ်များ

Salmos 145:10

Nani maꞌsha acoransopita Sinioro, chinochinën. Imarinënquënsopitantaꞌ, noya chinochinën.

Salmos 89:17

Tëhuënchachin quëma catahuarancoi niꞌton, chiníquën cancantarai. Naporahuatoi, noya noya yaꞌnoarai. Noya yonquirancoi niꞌton, chini chiníquën nanantarai.

Salmos 89:18

Sinioronënpoasoꞌ iscoto pochin nicaton, paꞌpoyarinpoaꞌ. Noyasáchin nicaton huaꞌanëntërinpoaꞌ.

Lucas 1:52

Copirnoroꞌsantaꞌ co noyahuëꞌ nipachinara, ocoirin. Topinan piyapiꞌsaꞌ yaꞌhuërëꞌ noya acorin.

Lucas 2:32

Nisha nisha nananquë nonpisopita aꞌpintarin noꞌtëquën yonquicaiso marëꞌ. Israiroꞌsantaꞌ catahuaarin. Piyapinënpita niꞌton, noya noya acorarin,” itërin.

Efesios 2:13

Co Yosë nohuitatomarahuëꞌ, áquë pochin nisapiramahuëꞌ. Iporasoꞌ Quisocristo imatomaꞌ, nohuitërama huachi. Oshanëma marëꞌ huënainën paꞌnin niꞌton, Yosë anohuitërinquëmaꞌ. Yaꞌcaritëramaso pochin ninamaꞌ.

Efesios 2:17

Quisocristo isoroꞌpaquë oꞌmaton, noya nanan shaꞌhuitërinpoaꞌ. “Yaꞌipinquëmaꞌ nichaꞌësaranquëmaꞌ,” itërinpoaꞌ. Canpitasoꞌ co piꞌpisha tërantaꞌ Yosë nohuitatomarahuëꞌ, áquë pochin nipiramahuëꞌ, nanan anoyatërinquëmaꞌ. Cotioroꞌsacointaꞌ yaꞌcarisha pochin ninaisoꞌ nanan anoyatërincoi.

Efesios 2:19

Napoaton iporasoꞌ iyaroꞌsaꞌ, Yosë nohuitëramaꞌ. Co Yosëꞌpaꞌ paꞌshatërapomarahuëꞌ, nani huëntonënquë ayaꞌconinquëmaꞌ. Yaꞌhuëhuanoꞌsa pochin nisaramaꞌ. Co huachi nisharoꞌsa pochin niꞌninquëmahuëꞌ. Yaꞌipinpoaꞌ Quisocristo imarëhuasopita huiꞌninpita pochachin nóya niꞌninpoaꞌ.

Deuteronomio 10:21

Inasoꞌ nóya niꞌton, canpoasoꞌ inasáchin chinotërëhuaꞌ. Inaíchin Yosë imarëhuasoꞌ. Catahuainpoaso marëꞌ, paꞌpi huëhuëpiro nininsopita maꞌsha aꞌnorin, canpitanta niꞌnamaꞌ.

Deuteronomio 4:7

¡Co inso nacion tërantaꞌ, canpoa pochin Yosë imapihuëꞌ! Inahuasoꞌ, mamanshinënari catahuacaso marëꞌ nontopirinahuëꞌ, co catahuarinhuëꞌ. Canpoaso nipirinhuëꞌ, onporosoꞌ nontohuatëhuara, aꞌnaroáchin aꞌpanirinpoaꞌ.

1 Pedro 2:9

Imarëhuasopitaso nipirinhuëꞌ nohuantërinpoaꞌ. Huayoninpoaꞌ ina nohuitacaso marëꞌ. Inasáchin huaꞌanëntërinpoaꞌ. Nani acorinpoaꞌ corto huaꞌanoꞌsa pochin nicatëhuaꞌ, ina marëꞌ sacatacasoꞌ. Noyápiachin cancan quëtërinpoaꞌ. Yosë piyapinënpoaꞌ ninëhuaꞌ. Iráca tashi pochin cancantopirëhuahuëꞌ, Yosë nichaꞌërinpoaꞌ tahuëri pochin cancantacaso marëꞌ. Acorinpoaꞌ Yosë noya nosororinpoasoꞌ shaꞌhuicaso marëꞌ.

1 Samuel 2:1

Naporoꞌ Anantaꞌ, Yosë nontaton itapon: “Sinioro yonquiato capa cancantërahuë. Yaꞌipi cancanëhuë quëran capa cancantërahuë. Achinirinco niꞌton, inimicoroꞌsa aꞌpaniaꞌhuaso nanitërahuë. Catahuarinco niꞌton, noya cancantërahuë.